¿Pikunataq Jehová Diospa munayninta kay tiempopi rurachkan?
¿Imaynatam kay folletowan Biblia estudiaqkunata yanapachwan?
1. ¿Imapaqtaq ruwakurqa Diospa munaynin niq folletoqa?
1 Qaynakunallam chaskirqanchik ¿Pikunataq Jehová Diospa munayninta kay tiempopi rurachkan? niq folletota. ¿Servichikurqanchikñachu? Biblia estudiaqkunata yanapanapaqmi ruwakurqa: 1) Diospa llaqtanta reqsinankupaq, 2) imakuna ruwasqanchikmanta yachanankupaq hinaspa 3) Diospa llaqtan imayna organizasqa kasqanmanta yachanankupaq. Diospa munaynin niq folletopa yachachikuyninkunaqa sapakamam huk paginayoqlla, hinaspapas sapa estudiota tukuspa pichqa otaq chunka minutollapi qawanapaqmi kachkan.
2. Imayna ruwasqa kasqanmanta rimarimuy.
2 Imayna ruwasqam kachkan. Qallariypi qawamusqanchikman hinam Diospa llaqtanmanta yachachinapaq kimsapi rakinasqa kachkan. Llapan 28 yachachikuykunapa titulonqa tapukuykunam, yana letrawan kaqkunañataqmi chay tapukuykunata contestachkan. Enteron qellqapim 50 nacionkunamanta fotokuna kachkan, nintaqmi maypi fotosqa kasqantapas, chaymi qawachin achka nacionkunapi predicasqanchikta. Achka yachachikuykunapim kachkan “Astawan yachay” niqpas, chaymi Biblia estudiaqkunata yanapanqa imakunatawan ruwanankupaq.
3. ¿Imaynatam Biblia estudiaqkunawan qawachwan kay folletota?
3 Imaynatam servichikuna. Sapa yachachikuyta qallariy titulonpi kaq tapuywan. Chaymantañataq leesqanman hina reparay yanawan qellqasqa kaqkunapi. Tukunaykipaqñataq yuyarinapaq tapukuykunata ruway. Leewaqchikmi enteron yachachikuyta otaq sapa parrafokunatapas rimarinaykichikpaq. Allinta tanteay mayqan textota leenapaq hinaspapas manam qonqanaykichu fotokunatawan “Astawan yachay” niqta qawaytapas. Allintaqmi kanman ordenninpi yachachikuykunata qawaypas. Ichaqa wakinpim pawa-pawata ruwawaqchik necesitasqaykichikman hina. Ichapas asamblea hichpallapiña kaptinqa estudiawaqchik 11 yachachikuyta.
4. ¿Imanasqam kusisqa tarikunchik kay mosoq qellqa kapuwasqanchikmanta?
4 Runakunaman Bibliamanta yachachispanchikqa, yanapachkanchikmi hanaq pachapi Taytanchikta reqsinankupaq. Ichaqa yanapananchiktaqmi Diospa llaqtanta reqsinankupaqpas (Prov. 6:20). ¡Mayna kusisqam tarikunchik kay mosoq qellqa chaypaqpuni ruwasqa kasqanmanta!