¿Atichwanchu yanapaykuyta?

Achka iñiqmasinchikkunam Diosta serviyninkupi sasachakunku onqosqankurayku otaq yuyaqña kasqankuwan (2 Cor. 4:16). Congregacionninchikpi chayna kaptinqa, ¿atichwanchu yanapaykuyta Bibliamanta yachachisqanchikpi compañawananchikpaq? Wasinmanta mana lloqsiyta atiptinqa pusachwanmi paypa wasinman Biblia estudiaqta. Wakinpiqa atichwanmi onqoq iñiqmasinchik pusayta wasin-wasin pisi tiempochallapas ñoqanchikwan predicananpaq otaq yachay munaqkunamanmi hukman otaq iskayman kaqmanta watukuchwan. Diosta unayña serviq yuyaqyasqa iñiqmasinchikkunaqa ancha experienciayoqmi kanku Diosmanta yachachiypi. Paykunata chayna yanapasqanchikqa manam yanqapaqchu kanqa, kikikipas kallpanchasqam tarikunki (Rom. 1:12). Iñiqmasinchikkunata kuyakuywan chaynata yanapaptinchikqa Jehova Diosmi bendeciwasun (Prov. 19:17; 1 Juan 3:17, 18).