Allinta yanapanapaq: Biblia estudiaqkunata yanapay

Imanasqam ancha allin. Diospa serviqninkunaqa kasukunankum Jesuspa ‘tukuy ima kamachisqanta’, huk kaqninmi chiqap yachachikuykunata yachachiy (Mat. 28:19, 20). Achkam Diosmanta yachachinapaq escuelapi kachkanku ichapas chayrayku ayllunkunamanwan amistadninkunaman Diosmanta willakuchkankuña. Allimantamá yachasqankutaqa chaninchanqaku. Lliw runakuna yachanankupaq Diospa munaynin kasqanta yachaptinkuqa, ichapas paymanta willakuytaña munanqaku, chaynata ruwaspankuqa iñiyninkupim ñawparinqaku (Rom. 10:13, 14). Punta apaqkuna Diosmanta willakunankupaq niykuptinkuqa allin yachachisqam kananku, chaynapi mana manchakuspa willakunankupaq (Luc. 6:40).

Imayna ruwanamanta:

Chayllaraq willakuqta yachachiy ima qillqakunawan Diosmanta willakunanpaq. Wayqaykipi ima qillqakuna apasqaykita qawachispa niy imapaq sapa qillqa kasqanta.
Diospaq Llamkayninchikpi lluqsimuq yanapakuykunata akllaspaykichik chayman hina ruwaychik. Yachasqaykichik lawpi tupaqman hina ruwanaykichikpaq maskaychik Escuelawan Yanapachikuy niq qillqapa 82 paginanpi rikuriq yanapakuyta. Biblia estudiaqta yanapay kikinpa rimayninpi rimarinanpaq. Yuyarichiytaq sumaq allichakuyqa ancha allin kasqanmanta (2 Cor. 6:3, 4).
Qawachiy Diosmanta willakusqanchik lawkunapa tarjetankunata. Yachachiytaq huk runa yachayta munaptin imakuna qillqananta. Kallpanchaytaq kutinanpaqpas (1 Cor. 3:6). Yachachiy jw.org nisqantawan Buenas nuevas para gente de todas las naciones qillqata imayna servichikunanpaq.
Ama amiruspa imayna ruwasqanmanta kallpanchay (Prov. 25:11). Yachachiytaq ruwasqaykiwan. Payqa manam qunqanqachu kuyakuywan yanapasqaykita chaynataq Diosmanta kusikuywan willakusqaykitapas.

Kay killapi kayta ruway:

Biblia estudiachisqaykiwan wasin-wasin willakuychik hinaspa yachachisqayki runakunaman pusay. Estudioyki manaraq kaptinqa, lluqsiwaqmi manaraq unay tiempo Diosmanta willakuqwan.