Allinta predicanapaqmi yanapawanchik
1. “Jehova Diospa testigonwan rimaspa” niq yachachikuyqa, ¿imakunapaqmi yanapawanchik?
1 Predicanapaq Willakuq revistapim wakin killakunapi lloqsimun “Jehova Diospa testigonwan rimaspa” niq yachachikuy. Chayqa yanapawanchikmi Diospa yachachikuyninkunamanta runakunaman allinta yachachinapaq chaynataq ima yachachikuymantapas sumaqllata yachachinapaq (1 Ped. 3:15). Chaywan imaynata yanapachikunapaqyá qatiqninpi astawan yachasun.
2. ¿Pikunatam yanapachwan chay yachachikuykunawan hinaspa imaynata?
2 Predicasqanchikpi yanapachikunapaq. Willakuq revistapi lloqsimuq “Jehova Diospa testigonwan rimaspa” niq yachachikuykunata waqaychayninchikqa allinmi kanman. Pipas predicasqanchik lawpi otaq Diosmanta yachay munaq chaynataq Bibliata estudiachisqanchikpas revistapi lloqsimuq chay yachachikuyman hina tapuwaptinchikqa chaytam qochwan, munaptinqa kuskam chayta leechwan. Chay yachachikuykuna mana kapuwaptinchikqa horqochwanmi jw.org nisqanmanta.
3. ¿Imaynatam wakinqa chay yachachikuywan allinta yachachinku?
3 ¿Imaynatam chay yachachikuywan yachachichwan? Wakin iñiqmasinchikqa Testigopa rimasqan kaqtam kallpawan leen hinaspam uyariqninta kallpanchan mana Testigopa rimasqanta leenanpaq. Chaynatam uyariqninta mana hukmanyachispalla allinta yachachinku (Deut. 32:2).
4. ¿Imakunapim reparananchik chay yachachikuykunata leespa?
4 Yachanapaq hinaspa yachachinapaq. Chay yachachikuyta leespanchikqa reparananchikmi iñiqmasinchik mayqen textokunata servichikusqanpi, ima tapukuykunata otaq ima rikchanachiykunata servichikusqanpi, chaynataq imayna rimasqanpipas. Hinaspam kallpanchakunanchik chayman hina yachachinapaq (Prov. 1:5; 9:9). Huk hermanam nin: “Chay yachachikuykunata leespayqa piensanim mana pantaspan allin yachachiq precursorpi”, nispa.
5. ¿Imaynatam Biblia estudiachisqanchikta yanapachwan yachasqankumanta willakunankupaq?
5 Chay yachachikuykunawan yanapachikuspam Biblia estudiachisqanchik runamasinchikta yachachichwan imaynata predicananpaq. Chayta kuska leespanchikmi payta leechichwan Testigopa rimasqan kaqta. Chaynata yachachiptinchikqa atinqam Diosmanta yachasqanta respetowan chaynataq sumaqllata hukkunaman willakuyta (Col. 4:6). “Jehova Diospa testigonwan rimaspa” niq yachachikuykunaqa Diospa munayninmanta allinta yachachinapaqmi yanapawasun (2 Tim. 4:5).