Bibliamanta estudio qonapaq mosoq yachachikuy
1. ¿Imataq lloqsimunqa 2011 watapi hinaspa imapaqtaq kanqa?
1 2011 watapim Bibliamanta estudio qonapaq mosoq yanapakuy predicananchikpaq Llaqta Cuidaq revistapi lloqsimunqa. Sutichakunmi “Diospa Palabranmanta yachachikuykuna”. Segurom kachkanchik predicasqanchik lawpi runakunaqa sapa lloqsimuptin leey munasqankumanta ichaqa chay yachachikuykunaqa Bibliamanta yachachinapaq rurasqam kachkan.
2. ¿Imayna rurasqam kachkan chay yanapakuy?
2 Imaynam kanqa. Titulonpas hinaspa subtitulonpas tapukuywanmi kanqa entiendechispa yachachinanchikpaq. Textokunapas manam copiasqachu, uyariwaqninchik Bibliamantapuni leenanrayku. Parrafonkunapas pisi rimayllapim kanqa, atichwanmi punkullankupi estudiachiyta. Sapa yachachikuytaqmi Yachachiq libromanta astawan yachachinapaq nichkan, tanteasqanchikman hina chay librowanña yachachinanchikpaq.
3. Predicaspa, ¿imaynatam kay mosoq yanapakuykunawan wasi punkullapi estudiachiyta qallarichwan?
3 Imaynatam servichikuwaq. Revistata munachispayki chaypi yachachikuywan uyarisuqnikita piensarichinaykipaq hina tapuy. Ejemplopaq, huknin yachachikuymi Bibliapa yachachisqanta chaninchanapaq yachachinqa. Tapuchwanmi: “¿Creenkichu Bibliaqa Diospa palabran kasqanta icha allin libro kasqallantachu? [Contestananta suyay.] Parlasqanchikwan tupaq yachachikuytam apamuchkayki”. Punta kaq tapuyta qawachispa qallariq parrafota hinaspa chaypi kaq textotapas leey. Kaqmanta tapuspa contestasqanta suyay. Atikusqanman hina yachachiy tapukuykunata servichikuspa ordenninpi. Manaraq pasachkaspa qatiqnin tapuyta qawachiy hinaspa astawan yachachinaykipaq imay punchaw kutinaykipaq niy. Hina chay revistapi yachachikuywan sapa semana yachachinaykipaq kallpanchakuy huk revista chayamunankama. Wakinpiqa saludaykuspalla estudiananpaq munachiy. Imayna estudiana kasqantam qawachiwaq revistapi yanapakuykunata servichikuspa.
4. Watukuspaqa, ¿imaynatam kay yanapakuyta servichikuchwan?
4 Kaywanqa servichikuchwantaqmi revistanchikkuna leeqman otaq yachay munaqman watukuspapas. Niwaqmi: “Kay revistapim mosoq yachachikuy kachkan. Imamanta yachachisqantayá qawachisqayki”, nispa. Jehová Diostam mañakuchkaniku kay yachachikuywan achka runakuna ‘cheqap yachachikuy reqsinankupaq’ (1 Tim. 2:4).