Achka runakunapa kasqanpi predicayqa aswan sumaqmi kachkan
1. ¿Imapaqmi congregacionkunata kallpancharqaku predicananku lawpi achka runakuna kaptinqa?
1 Congregacionkunapa predicananku lawpi achka runakuna kaptinqa chay congregacionkunatam kallpancharqaku mesakunatawan carretakunata churaspa achka runakunapa kasqanpi predicanankupaq. Carretata servichikuspaqa chaypa waqtanpim huk otaq iskay predicaqkuna kananku. Mesata servichikuspañataqmi iskaypuni kananku. Llapankum kallpanchakunanku kuyakuywan rimanankupaq. Pipas asuykamuptinqa huk kaqnin predicaqmi rimayta qallaykunman kaynata tapuspan: “¿Haykapipas tapukurqankichu, kaymanta Bibliapa ima nisqanta?”, nispa. Tumpa waklawchanpitaqmi huk otaq iskay iñiqmasinchikkuna pasaq runakunata predicachkananku.
2. Willarimuy, universidadpi estudiaq sipaswan ima pasasqanmanta.
2 Kayna predicasqanchikraykum achka runakunaña Biblia estudiayta qallaykurunku. Huk kutipim universidadpi estudiaq sipas Jehova Diospa testigonkunamanta qellqayta munarqa, ichaqa manam tarirqachu Huñunakunanchik Salonta. Huk semana pasaytam mesa hawanpi qellqanchikkuna kasqanta universidadninpi rikururqa. Chaymantam Biblia estudiayta qallaykurqa, kunanqa bautizakuruspanñam achka runakunapa kasqanpi predicachkan.
3. ¿Ima ninkutaq achka runakunapa kasqanpi predicaqkunaqa?
3 Achka runakunapa kasqanpi predicaq iñiqmasinchikmi nin: “Wakinkum asuykamunku chayllaraq lloqsimuq revistata mañakuq. Wakinñataqmi Testigokunamantaqa mana haykapipas uyarirqakuchu. Kay mosoq arreglowanqa achka runakunamanmi chayachwan”, nispa. Huk iñiqmasinchikpas nirqam: “Kaynata predicaspaqa manam ñoqanchikchu runakunamanqa asuykunchik aswanqa paykunam tapukuqllapas asuykamuwanchik”, nispa.
4. ¿Imanasqataq ancha allin hina chayllapi carretata otaq mesata churayqa?
4 Allinmi kanman sapa semana hina chay sitiollapi, chay punchawkunallapi hinaspa chay horallapi carretata otaq mesata churayqa. Chaynapim runakunaqa sapa kuti qawaspanku mana sasachakuspalla asuykamunqaku tapukuq otaq qellqakuna mañakuqpas. ¿Ruwarunkuñachu kay arreglota congregacionnikipi? Kallpanchakuy hinaspa achka runakunapa kasqanpi qampas Diosmanta willakuy (Luc. 9:60).