¿Imaynatam mesakunawan utaq carretakunawan Diosmanta willakuchwan?

Mesakunapi utaq carretakunapi qillqanchikta apaspa Diosmanta willakusqanchikqa achka runakunatam yanapachkan Diosta riqsinankupaq (Juan 6:44). Chaymi ancianokuna tanteananku achka runakunapa kasqanpi Diosmanta willakunapaq, ichaqa maymi willakusqallankupim kanan. Kay carretakuna uchuylla hinaspa maymanpas apanallapaq kasqanraykum yaqa llapanpi autoridadkunawanqa mana permisachikunanchikraqchu. ¿Pikunataq yanapakunmanku? Diosmanta allin willakuqkuna, tanteowan pachakuqkuna hinaspa rimanapaq mana sasachakuqkuna. Qatiqninpim imakuna ruwanamanta hinaspa mana ruwanamantapas qawasunchik.Kaykunawan yanapachikuspaqa allintam Diosmanta willakuq

Imakuna ruwanamanta:

Sumaq simiyuq kay hinaspa pikuna purisqantapas qaway. Asirispa kuyakuywan asuykamuqkunata rimakuykuy. Pipas qillqanchikkunata qawaptinqa kaynatam niykuwaq: “Munaspaykiqa mayqantapas apakuwaqmi”, nispa.
Carretapa hichpallanpi kay, wakin llaqtakunapim carretapa qipa niqchanpi kanku wakinpiñataq chaynapi kayqa mana yanapanchu. Chaynaqa allinpaschá kanman karu niqchapi pipas asuykamunankama kayninchikqa. Pipas asuykamuptinqa kallpanchakuy rimanaykipaq ichapas kaynata tapuwaq: “¿Haykallapipas kaynata tapukurqankichu?”, nispa.
Atikuptinqa Bibliatapas servichikuwaqmi.
Pipas Yachachiq qillqata utaq Bibliamanta yachachinapaq huk qillqakunata apakuptinqa qawachiy imaynata Bibliamanta yachachisqanchikta, niwaqtaqmi ¿Imanasqataq Bibliata estudiana? niq videota qawachinaykipaqpas.
Pipas astawan yachayta munaptinqa maypi yachasqanta tapuy. Diosmanta willakusqanchik lawpi mana yachaptinqa Persona que mostró interés (S-43) niq papelchata huntachispa secretario kaq ancianoman quy.