Allinta yanapanapaq: Huk rimayniyuq runakunaman Diosmanta imayna willakunapaq

Imanasqam ancha allin. Jehova Diosqa munanmi lliw nacionkunapi runakuna paymanta yachanankuta (Hech. 10:34, 35). Jesusmi nirqa “enterollan kay pachapi” hinaspa “llapallan nacionpi” sumaq yachachikuykuna willakusqa kananmanta (Mat. 24:14). Zacariaspas nirqam ‘huk law nacionniyuq hinaspa sapaq idiomakuna rimaq’ runakuna Diosmanta yachachikuyta chaskinankumanta (Zac. 8:23). Apostol Juanpa qawasqanman hinam, llumpay ñakariy punchawpi salvasqa kanqaku ‘llapallan nacionkunamanta, ayllukunamanta, castakunamanta hinaspa tukuy rikchaq rimayniyuqkunamanta’ runakuna (Apoc. 7:9, 13, 14). Chaynaqa, Diosmanta willakusqanchik lawpi huk rimayniyuq runakunata tarispaqa, kallpanchakusun bibliamanta yachachinapaq.