DIOSPAQ HINA KAWSANAPAQ
Diosmantam enteron allpa pachapi willakuchkanchik
Jehova Diosmi Israel runakunata nirqa castankuman hina maypi yachanankupaq. Kunanpas Jehova Diosqa niwanchikmi munayninta imaynata ruwanapaq. Chaypaqmi betel wasi, llaqtan-llaqtan watukuq iñiqmasinchikkuna, punta apaqkuna yanapawanchik llapallan runakunaman imata ruwaspa Diosmanta willakunapaq, huk rimayniyuqña kaptinkupas (Ap 14:6, 7).
¿Munawaqchu huk rimayta yachayta chaynapi huk rimayniyuqkunaman Diosmanta willakunaykipaq? Chaypaqqa JW Language nisqanmi allinta yanapasunki. Chaypim kachkan huk rimayniyuqkunaman Diosmanta imaynata willakunapaq yanapakuykuna. Chaywan yanapachikuspaykiqa ñawpaq tiempopi huk rimayniyuqkunaman willakuqkuna hinam kusisqa tarikunki (Hch 2:7-11).
JEHOVA DIOSWANYÁ KUYACHIKUY: HUK RIMAYPI DIOSMANTA WILLAKUY NIQ VIDEOTA QAWARUSPA, KAY TAPUKUYKUNAMANTA RIMARIY:
¿Imaynanpitaq JW Language nisqanwan yanapachikuchwan?
¿Imaynataq JW Language nisqaqa?
Ima rimayniyuqña runakuna kaspankupas Diosmantam yachananku
Yachasqanchik lawpiqa ¿ima rimayniyuqkunataq runakunaqa kanku?
Huk rimayniyuq runa Diosmanta yachayta munaptinqa ¿imatataq ruwananchik? (od-S pag. 100 § 39-41).