Allinta yanapanapaq Willakusqanchik lawpi runakunamanqa lliwmanmi willananchik

¿IMANASQATAQ ANCHA ALLIN? Zacariasmi willakurqaña lliw ‘nacionmanta tukuy rikchaq rimayniyuq runakuna’ Diosmanta willakuyta chaskinankumanta (Zac 8:23). ¿Pikunataq paykunataqa yachachinanku karqa? (Ro 10:13-15). Diosmi ñuqanchikta kamachiwanchik llaqtanchikpi yachaq llapallan runakunaman willakunanchikpaq (od-S pag. 84 § 10, 11).

¿IMAYNATAM RUWACHWAN?

• Ñawpaqmantaraqmi tanteananchik. ¿Imatam ruwananchik huk rimayniyuqta tarispaqa? JW Language nisqantam servichikunanchik rimayninpi Diosmanta willananchikpaq. Qawachichwantaqmi ima aparatopipas jw.org nisqanta, hinaspam yachachichwan yachachikuykunata rimayninpi maskananpaq.

• Lliw runawan rimananchikpaq kallpanchakusun. Wasin-wasin willakuspanchikpas kallpanchakunanchikmi callepi puriqkunamanpas hinaspa carrota suyaqkunamanpas willakunanchikpaq. Achka runakunapa kasqanpi willakuspanchikpas asuykamuwaqninchik runakunamanmi willakunanchik.

• Wasiyuqta tarinanchikpaqmi kallpanchakunanchik. Wasiyuqta mana tarispanchikqa kutichwanmi imay horapas utaq imay punchawpas wasiyuqta tarinanchikkama. Ichapas wakin runamanqa cartawan utaq celularwan Diosmanta willana kanqa utaq maypi tupasqanchikpipas.

• Tariruspanchikqa hinallam watukuna. Diosmanta yachay munaqmanqa kaqmanta watukunapaqmi kallpanchakuna, chaynapi hinalla Diosmanta yachananpaq. Huk rimayta rimaptinqa rimaynin yachaq iñiqmasinchikkunamanmi willananchik paykunaña watunankupaq. Ichaqa watunankukamam hinalla watukunanchik (od-S pag. 93, 94 § 39, 40).

QAWAY DIOSMANTAM WILLAKUCHKANCHIK “KAY PACHAPA CANTONKAMA” NIQ VIDEOTA, HINASPA QATIQNINPI TAPUKUYKUNATA KUTICHIY:

• 

  Manaraq karu-karu llaqtapi runakunaman watukuchkaspankuqa, ¿imatam iñiqmasinchikkunaqa ruwarqaku? (1Co 9:22, 23).

• 

  ¿Ima sasachakuykunatam atipananku karqa?

• 

  ¿Imaynam tarikurqaku?

• ¿Imatam ruwawaq yachasqayki lawpi lliw runakunaman willakunaykipaq?