Runakunata yanapasun
1. ¿Imaynatam runakuna salvakuyta atinmanku?
1 2013 septiembremanta 2014 agostokama Diosmanta willakusqanchikmi, qawachin tukuy sunqunchikwan Diosmanta willakusqanchikta (Mat. 24:14). Ima tiempomantapas kunanmi astawan runakunata yanapachkanchik wasin-wasin rispa, invitacionkunata aypuspa hinaspa achka runakunapa kasqanpi willakuspa. Salvakunankupaqmi ichaqa Jesuspa qatiqninkuna kananku, chaypaqmi bibliamanta imam kaqta yachachinanchik (1 Tim. 2:4).
2. ¿Ima tapukuykunam yanapawachwan runakunaman bibliamanta yachachisqanchikta willanapaq?
2 Bibliamanta yachachinaykipaq niy. Pipas bibliamanta yachayta munaptinqa, ¿kallpanchakunkichu sutinta, maypi yachasqanta tapurispa payta yachachinapaq? ¿Haykapitaq runakunata chayllaraq watukuspa bibliamanta imayna yachachisqanchikta qawachirqanki? ¿Haykapitaq qillqanchikkunata leeqkunaman bibliamanta yachachinapaq munachirqanki? ¿Qawachirqankiñachu estudiaqmasikiman, llamkaqmasikiman, vecinoykiman, aylluykiman utaq mayqan runamanpas ¿Imanasqataq Bibliata estudiana? hinaspa ¿Imaynatam Bibliamanta yachachiniku? niq videokunata? Carretawan utaq mesawan Diosmanta willakuspayki, ¿kallpanchakunkichu qillqanchikkunata apaq runakunaman mana qullqillapaq bibliamanta yachachisqanchikmanta willaypi?
3. ¿Imataq yanapawachwan Diosmanta runakunaman allinta yachachinapaq?
3 Diospawan Jesuspa yanapakuynin. Runakuna Jesuspa qatiqninña kananpaq kikin kamachiptinmi nirqa ‘rinanchikmanta’. Chayna nisqanwanmi qawachirqa tukuy sunquwan kallpanchakuspa chayta ruwanamanta. Payqa manam sapallanchiktachu saqiruwanchik. Nirqam ñuqanchikwan kananmanta (Mat. 28:19, 20). Jehova Diosqa manataqmi chuya espiritullantachu quwanchik, quwanchiktaqmi achka yanapakuykunata, yachachiwanchiktaqmi imayna willanapaq (Zac. 4:6; 2 Cor. 4:7). Chaypi yanapakunapaqmi Diosta mañakuchwan munaytawan kallpata quwananchikpaq (Filip. 2:13).
4. ¿Imanasqam Jesusta qatinankupaq runakunata yanapaypi kallpanchakunanchik?
4 Diosmanta willakuyqa kusichiwanchikmi. Ichaqa astawanmi kusikusun pi runatapas kawsayman apaq ñanninta rinankupaq yanapaspa (Mat. 7:14; 1 Tes. 2:19, 20). Allin sunquyuq runakuna Jesusta qatinankupaq yanapasqanchikqa Diostam kusichin, payqa manam munanchu pipas wañunanta aswanqa munanmi wanakuspanchik payman kutirinanchikta (2 Ped. 3:9).