Jehova Diosta allinta servinanpaq yachachiy

Diosmanta willakuyta qallarisqanmantapacha, pipas kusikuywan hinaspa sapa kuti willakuq lluqsinanpaq yachachisqa kaqqa, Diosmanta allin willakuqmi kanqa (Pr 22:6; Flp 3:16). Qatiqninpim qawasunchik, yachachisqayki runa Diosmanta willakuyta qallariptin imaynata allinta yanapanaykimanta:

• Yachachisqayki runa Diosmanta willakuyta qallariptinqa yachachinaykim imaynata allinta willakunanpaq (km 8/15 pag. 1). Yachachinaykitaqmi sapa semana willakuq lluqsiyninqa imanasqa ancha allin kasqanmanta (Flp 1:10). Willanaykitaqmi wakin wasiyuqkunaqa yachay munasqankumanta (Flp 4:8). Sapa grupomanta cuentallikuqwan chaynataq huk iñiqmasinchikkunawanpas Diosmanta kuska willakunanpaq kallpanchay, chaynapi paykunamantapas yachananpaq (Pr 1:5; km 10/12 pag. 6 § 3).

  

• Yachachisqayki runa bautizakuruptinpas hinallam kallpanchanayki hinaspa yachachinayki Diosmanta allinta willakunanpaq, astawanraqmi ‘Diospa kuyakuyninpiyá takyasunchik’ niq qillqata manaraq estudiayta tukuptinqa (km 12/13 pag. 7).

  

• Pisi rimayllapi willakuy chayllaraq Diosmanta willakuyta qallariqwan willakuspaykiqa. Wasiyuqman willakuyta tukuruptinqa kallpanchay allin ruwasqanmanta. Yachachiytaq imaynata allinta willakunanpaqpas (km 5/10 pag. 7).