Iñiyninchikqa amayá chiriyaruchunchu imapas qunqayllamanta pasawaptinchikqa

Kay tukupay tiempopiqa imapas qunqayllamantam pasawanchik (1Co 7:31). Wakinpiqa imapas pasakun allinninchikpaqmi, wakinpim ichaqa sasachakuyta apamuwanchik. Sasachakuypi tarikuspaqa Jehova Dios serviytam sasachakunchik, ichaqa chaypim yachasun sunqumanta Dios kuyasqanchikta utaq manapas. ¿Imataq yanapawasun imapas qunqayllamanta pasawaptinchik iñiyninchikpi mana chiriyarunapaq? Qaway kayna sutiyuq videota: Iñiynikichikpi suni takyanaykichikpaq kallpanchakuychik huk law llaqtamanña ripukuspaykichikpas, niqta. Hinaspa qatiqninpi tapukuykunata kutichiy:

• ¿Imatam huk iñiqmasinchik nirqa ayllunwan ripukuy munaq taytata?

• ¿Imaynatam Mateo 7:25 nisqan yanaparqa ripukuy piensaq aylluta?

• ¿Imatam ruwarqaku manaraq tukuy imantin ripukuchkaspanku? ¿Imaynatam chay ruwasqankuqa yanaparqa?

• ¿Imatam ruwarqaku chayasqanku llaqtapi iñiqmasinchikkunawan riqsinakunankupaq? ¿Imakunata ruwanankupaqwanmi kallpanchakurqaku?

¿Imakunam pasawarqa kay pasaq killakuna utaq pasaq watakuna?

¿Imaynatam ñuqapas kay videopi qawasqay iñiqmasiy hina kallpanchakuyman bibliapa yachachisqankunata kasukunaypaq?