Listoyá kasun qunqaymanta unquruspa ima ruwanapaq

¿Imanasqataq listo kananchik? Llapanchikmi qunqaymanta unquruchwan utaq hospitalpipas rikuriruchwan. Allinta doctorkuna atiendewananchikta munaspaqa puntamantaraqmi tantiananchik ima ruwananchikpaq. Chayta ruwaspaqa Jehova Dios yawarmanta kamachiwasqanchik kasukusqanchikta hinaspa vidanchikta respetasqanchiktam qawachisun (Hch 15:28, 29).

¿Imatam ruwananchik?

• DPA nisqan tarjetatam llenananchik, ichaqa manaraq chayta ruwachkaspam Jehova Diosta mañakunanchik hinaspa yawarmanta rimaq qillqanchikkunapa ima nisqanta allinta estudiananchik.a Bautizasqakunaqa qillqanchikkuna quypi encargakuq iñiqmasinchiktam mañakunanku DPA nisqanta qunanpaq, tayta-mamakunañataqmi Tarjeta de identidad (ic) niqta mañakunanku warmankupaq.

• Pipas wiksayuq kaspanqa punta apaqkunatam mañakunan Información para mujeres embarazadas (S-401) niqta, chaymi yanapanqa wiksayuq kasqan tiempopi utaq chay wawacha nacenankama ima sasachakuykuna kaptinpas allinta tantiananpaq.

• Imamantapas operakunaykipaq hospitalman rinayki kaptinqa, punta apaqkunamanmi tiempowan willanayki. Hospitalpipas ninaykitaqmi Jehova Diospa testigonkuna visitamusunaykimanta.

¿Imaynatataq punta apaqkuna yanapasunkiman? DPA nisqanta llenanaykipaqmi yanapasunkiman, chaywanpas paykunaqa manam qampa rantiykipiqa tantianmankuchu nitaq imaynata tantianaykipaqpas nisunkimanchu (Ro 14:12; Gal 6:5). Hospitalpi yawarta churayta munasusqaykita willakuptikiqa punta apaqkunam qayanqaku Comité de Enlace con los Hospitales (CEH) nisqanpi yanapakuq iñiqmasinchikkunata.

¿Imaynatataq yanapasunkiman Comité de Enlace con los Hospitales nisqanpi yanapakuq iñiqmasinchikkuna? Paykunaqa allin yachachisqam kanku yawarmanta bibliapa ima nisqanta doctorkunaman hinaspa abogadokunaman explicanankupaq. Chay iñiqmasinchikkunaqa doctorkunatam yanapanmanku mana yawarllawan operanankupaq, necesitakuptinqa mana yawarllawan operaq doctorkunata tarinaykipaqpas yanapasunkimanmi.

YAWARMANTA ALLINTA TANTIAKUNANCHIKPAQ SUTIYUQ VIDEOTA QAWARUSPA, KAY TAPUKUYKUNAMANTA RIMARIY:

• ¿Imakunata ruwaytaq yanapasunkiman hospitalpi operakuptiki yawarmanta allinta tantianaykipaq?

  textarea-1