¿Yachankichu yawarta mana churachikuspa operachikuymanta?
Kunanqa achka hospitalkunapiñam yawarta mana churaspa operanku. ¿Allintachu yachanki, yawarta mana churachikuspa imayna operachikuymanta? Kaymantaqa allintam yachanayki chaynapi imaynata hampichikunaykipaq otaq operachikunaykipaqpas. Allinmi kanman La negativa a la sangre. La medicina acepta el reto nisqa videota puntata qawayniki. Hinaspa Diosta mañakuspa qawasqaykiman hina qatiqnin tapukuykunapi piensay. (Kay videopiqa doctorkunapa imayna operasqanmi wakin partepiqa kachkan, chaymi warmachankuwan qawananku kaptinqa tayta-mamaqa allinta tanteananku.)
1) ¿Imanasqataq Jehová Diospa testigonkunaqa yawarta mana churachikunkuchu? 2) ¿Imatam Jehová Diospa testigonkuna munanku hampichikuymanta? 3) ¿Imata tanteananpaqtaq onqoqqa derechoyoq? 4) ¿Imanasqataq yawarta mana churawananchikpaq allinta tanteananchik? 5) Yawar llumpayta lloqsiptin, ¿ima iskay ruraytam doctorkuna chaylla ruranmanku? 6) ¿Ima tawa kaqkunatam doctorkuna ruranmanku operaspanku yawarta mana churanankupaq? 7) ¿Imatam doctorkuna operaspanku ruranmanku a) yawar llumpayta mana lloqsinanpaq, b) glóbulos rojos nisqan hinalla kananpaq, c) yawarta yapachinankupaq, hinaspa d) usuchisqanku yawarta aparatokunawan kutiykachinankupaq? 8) ¿Ima ninantaq hemodilución, hinaspa recuperación de sangre nisqan? 9) ¿Imakunamantam puntata yachanayki yawarta mana churachikunaykipaq? 10) Sasa hinaspa achka horapi operananku kaptinpas, ¿atinmankuchu operayta yawarta mana churaspalla? 11) ¿Ima allin kaqkunatam operanankupaq doctorkuna rurachkanku?
Sapakamam tanteakunanchik Bibliapa yachachisqanman hina chaynataq videopi qawasqanchikman hina operachikuspa imata chaskinapaq otaq churachikunapaqqa. ¿Ñachu tantearunkiña yawarta mana churachikuspa hampichikunaykipaq otaq operachikunaykipaq chaynataq warmachaykikunapaqpas? ¿Ñachu CIAM nisqa tarjetapi churarunkiña imayna hampichikuy munasqaykita? Manaraq qellqachkaspayki, allinta leey 2004 watapi 15 de junio hinaspa 2000 watapi 15 de octubre La Atalaya revistapi “Preguntas de los lectores” nisqa yachachikuyta. Chaymantapas noviembre 2006 watapi Reinopaq Servicionchikpa suplementonpi, “¿Qué opino de las fracciones sanguíneas y de los procedimientos médicos que impliquen el uso de mi sangre?” nisqa yachachikuyta. Allinta tanteakuruspaykiña CIAM nisqa tarjetapi qellqay. Imayna tanteakusqaykitam rantikipi rimaqpas chaynataq mana Testigo familiaykikunapas yachananku.