Diosqa yanapaykusunkim
BIBLIAPIQA allin consejokunatam tarinchik Diospa palabran kasqanrayku. Hampikunamanta rimaq libro mana kachkaspanpas bibliaqa yanapawanchikmi mana allin pensamientonchikta controlanapaq, imamantapas llumpayta mana llakikunapaq hinaspa unquptinchik hawka tarikunanchikpaq.
Bibliapiqa niwanchiktaqmi taytanchik Jehovaa Dios piensasqanchiktawan imayna tarikusqanchikta allinta yachasqanta. Payqa yanapaykuytam munawanchik sasachakuypi tarikuptinchik. Qatiqninpi yuyaymanasun bibliapa ima nisqankunapi, chayqa allintam kallpanchawasun.
SALMOS 34:18 nisqanpim nin: “Jehova Diosqa llakisqa sunquyuqkunapa hichpallanpim kachkan. Llumpay hukmanyasqa kaqkunatam yanapaykun”, nispa.
ISAIAS 41:13 nisqanpim nin: “Ñuqa Jehova Diosnikim alliq makikimanta hapichkayki, ñuqam niki: ‘Amayá manchakuychu. Ñuqam yanapasqayki’, nispa”.
Hinaptinqa, ¿imaynatataq Jehova Diosqa yanapawanchik kayna unquykunawan kaptinchik? Qatiqnin yachachikuykunapim qawasun imaynata Dios waqaychawasqanchikmanta hinaspa imaynata yanapawasqanchikmanta.
a Diospa sutinmi Jehova (Salmos 83:18).