Yachasqanchiktayá pimanpas willasun

Bibliata estudiayqa anchatam kallpanchawanchik. Chaywanpas astawanqa kallpanchawanchik estudiaspa imapas yachasqanchikta hukkunaman willaymi. Chaymi Proverbios 11:25 versiculopi nin: “Runamasinpa sunqun tiyaykachiq runaqa sunqun tiyaykachisqam paypas kanqa”, nispa.

Imapas yachasqanchikta pimanpas willaspanchikqa estudiasqanchiktam astawan entiendesun, manataqmi kamasqa qunqarusunchu. Chaymantapas, Diosman sunqu kanapaq yanapawasqanchikraykum kusisqa kasun (Hech. 20:35).

Kaytam ruwachwan: Estudiaspa imapas yachasqanchiktam qatiqnin punchawkunapi pimanpas willachwan. Willachwanmi familianchikmanpas, iñiqmasinchikmanpas, llamkaqmasinchikmanpas, estudiaqmasinchikmanpas, vecinonchikmanpas utaq pimanpas. Entiendenankupaq hina ima yachasqanchikta willasun.

Yuyarisun: Yachasqanchiktaqa hukkunamanqa willanchik manam mayna yachasqanchikmanta admirakunankupaqchu, aswanqa kallpanchanapaqmi (1 Cor. 8:1).