Achkaqmi runamasinkumanta karunchakuspa sapallanku sientekuchkanku | ¿Imatam biblia nin?

Yachayniyuq runakunapa nisqanman hinaqaa enteron allpa pachapi runakunas tawamanta huk runa sapallan hina sientekun.

• Chido Mpemba señoran nin: “Achka runamasinchikkunam yuyayniyuqkunapas, warmakunapas familiankumanta utaq pimantapas karunchakuchkanku”, nispa (copresidenta de la Comisión de la Organización Mundial de la Salud sobre Conexión Social).

Sapallanku hinaqa sientekunku manam yuyaqkunallachu nitaq sapallanku yachaqkunallachu, kallpanpi kaq musu-sipaskunapas, warmi-qariña kaspankupas, qullqiyuqña kaspankupas sapallanku hinam sientekunku. Runamasinkumanta karunchakusqankuraykum utaq sapallanku hina sientekusqankuraykum achkaq nisyuta unqurunku utaq llakisqallaña kanku.

• Vivek Murthy riqsisqa runam nin: “Sapallanchik hina tarikuyqa manam mana allin sientekuyllachu [...]. Runamasinkumanta karunchakuspa sapallanku kaqkunaqa wañuymanpas chayarunmankum, chayna kayqa 15 cigarrota sapa punchaw pitay hinam”, nispa (director general de Salud Pública de Estados Unidos).

¿Imatam biblia nin?

Diosninchikqa manam munanchu hukkunamanta karunchakunanchikta. Diosninchikqa munanmi allin amistadninchikkunawan hukllawakuspa huk ratollapas kusirikunanchikta.

• Bibliapim nin: ‘Diosmi nirqa: “Manam allinchu qaripa sapallan kayninqa”, nispa’ (Genesis 2:18).

Diosqa munanmi amistadnin kananchikta. Diosninchikqa niwanchikmi asuykunapaq kallpanchakuptinchikqa paypas asuykamuwananchikmanta (Santiago 4:8).

• Bibliapim nin: “Mayna kusisqam Diosta maskaqkunaqa, paykunapamiki Diospa gobiernonqa”, nispa (Mateo 5:3).

Diosqa munanmi runamasinchikkunawan kuska yupaychananchikta. Paykunawan kuska Diosta yupaychaspaqa aswan kusisqam kasun.

• Bibliapim nin: “Llapallanchikyá sumaqta riqsinakuspa kallpanchanakusun kuyakuq hinaspa allin ruwaq kananchikpaq, amayá […] huñunakuyman riytaqa saqirusunchu, aswanqa Diospa punchawnin chaylla chayamunanta yachaspayá llapallanchik astawan kallpanchanakusunchik”, nispa (Hebreos 10:24, 25).

Sapallanchik hina sientekuyqa imanasqa mana allin kasqanmanta astawan yachayta munaspaqa leewaqmi “Soledad en la era de la comunicación” niq yachachikuyta.