Amayá sapallaykiqa kaychu, amistadnikikunata maskay | Bibliapim yanapakuykuna kan
2023 watapim llapa runakuna tukuyta ruwarqaku mana sapallanku kanankupaq, ¿imanasqa?
Vivek Murthy, director general de Salud Pública de Estados Unidosa runam kaynata nin: “Amistadninchikkunamanta rakikuspa sapallanchik kayqa manam allinchu, unquykunatam tarichwan. Ama chayna tarikunapaqmi amistadninchikkunawan kuska imatapas ruwananchik”, nispa.
Wakinpiqa amistadninchikkunawan utaq runamasinchikkunawan kuska kaspapas sapallanchik hinam tarikunchik. Imayna kaptinpas bibliapim sumaq yachachikuykuna kan mana wischusqa hina sapallanchik tarikunapaq. Bibliaqa yachachiwanchiktaqmi allin amistadkunata tarinapaqpas. Chaymantayá qatiqninpi qawaykusun.
Bibliapa yachachikuyninkuna
Rimariytawan uyariytam yachana. Manam imayna tarikusqanchikmanta hukkunawan rimariyllatachu yachananchik, yachananchiktaqmi rimapayawasqanchiktapas uyariykuyta, chaynapim allin amistadta tarinki.
Bibliapim nin: “Amayá kikillaykichikpa allinnikichiktachu maskaychikqa, aswanqa wakiqnikichikpa allinnintayá”, nispa (Filipenses 2:4).
Amistadkunatam ruwana. Amistadnikiqa kanmanmi mayornikipas, sullkaykipas, huklaw llaqtayuqpas utaq huklaw nacionniyuqpas.
Bibliapim nin: “Sunquykichiktayá kichariychikqa”, nispa (2 Corintios 6:13).
Aswan allin amistad tarinamanta yachayta munaspaqqa leey “Cómo saciar la sed de amistad” niqta castellanopi.
a Our Epidemic of Loneliness and Isolation: The U.S. Surgeon General’s Advisory on the Healing Effects of Social Connection and Community (La epidemia de la soledad y el aislamiento: Informe del director general de Salud Pública de Estados Unidos sobre los beneficios de las conexiones sociales y la comunidad), 2023.