Ama sapallayki sientekunaykipaq hukkunata yanapay | ¿Imatam biblia nin?

Enteron pachapi waranqantin runamasinchikkunam sapallanku sientekunku hinaspa mana amistadniyuq. Achka doctorkunam ninku chayna mana sientekunapaq hukkunata yanapay allin kasqanmanta.

• Riqsisqa organizacionmi nin: “Sasachakuypi tarikuqkunata yanapaspaqa kusisqam kawsakusun, manañam sapallanchik hinañachu sientekusun, amistadninchikkunapas achkam kanqa”, nispa (Institutos Nacionales de la Salud, de Estados Unidos).

Bibliapim niwanchik imakunata ruwaspa hukkunata yanapanamanta. Bibliapa nisqanman hina hukkunata yanapaspaqa manam sapallanchik hinañachu sientekusun.

¿Imatam ruwawaq?

Qukuykuq kay. Imallaykitapas hukkunaman qaywariykuy. Tiempochakuwaqtaqmi hukkunapaqpas, chayqa imallaykitapas qusqayki hinam. Uyapura rimanaykipaq kallpanchakuy. Qukuykuq kaptikiqa hukkunam sunqumanta agradecekusunki, hinaspam allin amistadpaq hapisunki.

• Bibliapim nin: “Quychikyá, hinaptinqa runakunapas qusunkichikmi”, nispa (Lucas 6:38).

Tiempochakuy hukkunata yanapaykunaykipaq. Piensariy sasachakuypi tarikuqkunata imaynata yanapanaykipaq. Paykuna imapas llakinkumanta willasuptikiqa sumaqtam uyariykuwaq hinaspa entiendewaq. Utaqmi sasachakuynin tumpayananpaq imata ruwaspapas yanapaykuwaq.

• Bibliapim nin: “Ancha kuyakuq amistadqa imaña-haykaña kaptinpas hinallam kuyasunki”, nispa (Proverbios 17:17).

Aswan allin amistad tarinamanta yachayta munaspaqqa leey “La familia y los amigos” niqta castellanopi.