Yanapawanaykikutam munaniku
1 “Anchatam agradecekuykiku ñoqaykupaq tukuy rikchaq rurasqaykichikmanta. Rurasqaykichikqa yanapawanku,” nispam nirqa huk hermanonchik. Ñoqanchikpas chaytam sientinchik ancianokunapaq, siervo ministerialkunapaqpas. Diospa llaqtanpa yapasqanman hinam necesitakun ancianokuna, siervo ministerialkunapas, mundontinpi yaqa pachak waranqa congregacionkunapi yanapanankupaq. Bautizasqa kaptikiqa, qampas yanapawayku.
2 Kallpanchakuy privilegiokunata chaskinaykipaq. ¿Imatam rurawaq ancianopas, siervo ministerialpas kanaykipaq? (1 Tim. 3:1.) Tukuy kawsasqaykipim allin ejemplo kanayki (1 Tim. 4:12; Tito 2:6-8; 1 Ped. 5:3). Kallpanchakuy masta predicanaykipaq hukkunatapas yanapanaykipaq (2 Tim. 4:5). Sonqoykimanta interesakuy iñiqmasikikunapa allinninpi (Rom. 12:13). Bibliata allinta estudiay, kallpanchakuytaq allin yachachiq kanaykipaqpas (Tito 1:9; 1 Tim. 4:13). Congregacionpi imatapas ruranaykipaq ancianokuna kamachisuptikiqa, allinta ruray (1 Tim. 3:10). Familiapi umalliq kaspaykiqa, ‘wasikipi kaqkunawan kasuchikuy’ (1 Tim. 3:4, 5, 12).
3 Ancianopas, siervo ministerialpas anchatam kallpanchakunku congregacionpi achka llamkanankupaq (1 Tes. 5:12). Chayrayku, chaynata llamkayta munaspaykiqa, humilde kaspa hukkunata yanapay (Mat. 20:25-28; Juan 13:3-5, 12-17). Yuyaymanariy Timoteopa ejemplonpi, kallpanchakuypas pay hina kanaykipaq (Fili. 2:20-22). Allin rurasqaykiwan qampas rikuchiy privilegiokunata munasqaykita (Hech. 16:1, 2). Sichus kallpanchakunki, ancianopas, siervo ministerialpas kanaykipaq hinaspa kasukunkipas allinyanaykipaq consejokuna chaskisqaykitaqa, “chaynapim llapallanku qawanqaku imaynam aswan-aswan ñawpaqman risqaykita” (1 Tim. 4:15).
4 Tayta mamakuna, wawaykichikta yachachiychik yanapakuq kanankupaq. Wawakunaqa uchuychankumantapacham yanapayta yachanmanku. Yachachiychik: Predicananpaq, Salonpi allinta uyarinankupaq, pichaptinku yanapanankupaq, allin portakunankupaq, hukkunatapas yuyaqkunatapas yanapanankupaq, escuelankupi ejemplo kanankupaqpas. Chaykunata ruraspankuqa kusikunqakuchá (Hech. 20:35). Sichus chaynata yachachiptinchikqa wiñaspankum precursorpas, siervo ministerialpas, ancianopas kanqaku.