¿Imatataq puntapi churanki?
1 ¿Imatam niwaq qam chaymanta? Llapallanchikmi munanchik Diospa munaychakusqanta puntapi churayta (Mat. 6:33). Ichaqa, ¿imatam qawachin rurasqanchikkuna? “Sonqoykichikta tapukuykuychik”, nispam Bibliaqa niwanchik (2 Cor. 13:5). ¿Imaynatam yachachwan sichu Diospa Munaychakusqantachu puntata maskachkanchik?
2 Tiemponchikta imayna servichikunamanta: Puntatam musyakunanchik imakunapim tiemponchikta servichikuchkanchik (Efe. 5:15, 16). ¿Hayka tiempotam qokunchik amistadninchikkunapaq, kusirikuykunapaq, televisión qawaypaq otaq Internet nisqanpi kanapaqpas? Sichu chaykunapi tiempo pasasqanchikta yuparuchwan hinaspa Diosta servisqanchik tiempowan tupaykachichwanchik, hukmanyarusparaqmi qeparuchwan. ¿Imakunapas kapuwananchikraykuchu llumpayta llamkachkanchik servicionchikta qonqaruspa? ¿Semana tukuyta hayka kutitam huñunakuyman faltakunchik hinaspa predicacionmanpas mana lloqsinchikchu kusirikunapaq huk lawkunaman rinanchikrayku?
3 Puntapi kaq rurayninchikkuna: Yaqa llapanchiktam tiempoqa mana haypawanchikchu munasqanchikkunata ruranapaq. Chaymi Diospa Munaychakusqanta puntapi churanapaqqa, yachananchikmi imakunatam puntapi churachkanchik chaynapi aswan ‘allin kaqkunapaq’ tiempota horqonanchikpaq (Fili. 1:10). Chay allin kaqkunam, Biblia estudiayninchik, predicayninchik, ayllunchikta atiendeyninchik hinaspa huñunakuyman riyninchikpas (Sal. 1:1, 2; Rom. 10:13, 14; 1 Tim. 5:8; Heb. 10:24, 25). Ejerciciota ruraypas hinaspa samariypas allinninchikpaqmi kanman (Mar. 6:31; 1 Tim. 4:8). Ichaqa mana ancha valorniyoq kasqanraykum Dios serviyninchikta mana harkawananchikchu.
4 Huk mozo wawqenchikmi Diospa Munaychakusqanta puntata maskaspan precursor hina serviyta qallaykurqa universidad nisqanman rinanmantaqa. Huk rimayta yacharuspanmi mana ancha predicaqkuna kasqanman pasarqa. “Kay pasasqaykunam aswan allin kawsayniypiqa. ¡Predicayqa allintam sientechikun! Munaymanmi lliw mozo-sipaskuna kaqllata ruranankuta hinaspa ñoqa hina sientekunankupaq. Tukuy kapuwaqninchikwan Jehová Diosta serviyqa aswan allinmi imamantapas”, nispam nirqa. Chaynaqa, Diospa Munaychakusqanta puntapi churayqa achka bendicionkunatam apamun, hinaspa hanaq pachapi Jehová Diosninchiktam astawan kusichin (Heb. 6:10).