¿Imaynatam Jesuspa Wañusqanta Yuyarinapaq hamuqkunata yanapachwan?
1. ¿Imamantam 2008 watapi marzo killapa 22 punchawninta allpantinpi runakuna uyarinqaku?
1 Kay 2008 watapim marzo killapa 22 kaq punchawnintam ñoqanchikrayku Jesuspa Wañusqanmanta allpantinpi runakuna uyarinqaku. Kay huñunakuyman hamuqkunam yachanqaku imaynatam Jehová Diosqa kuyakuyninpi runakunata libranqa huchamanta (Juan 3:16). Yachanqakutaqmi Diospa Gobiernonmanta hinaspa imaynatam chay gobiernonwan Jehová Diosqa munasqanta Allpantinpi cumplinanta (Mat. 6:9, 10). Chaymantapas chay huñunakuyman hamuqkunam kikinkupuni qawanqaku Diospa llaqtanqa kuyakuq hinaspa huk sonqolla kasqankuta sichum kusisqa paykunata chaskiptinchikqa (Sal. 133:1).
2. ¿Imaynatam Biblia estudiaqkunata yanapachwan Jesuspa Wañusqanta Yuyarinapaq huñunakuyman riptinku?
2 Bibliata estudiaqkuna: Chay huñunakuypiqa kanqa ñoqanchikwan chayllaraq Biblia estudiaqkunam chaymi wawqe-panikunaman reqsiykachiyqa allinmi kanqa, willachwanmi imaynatam huñunakuyninchikkuna rurakusqanta chaymantapas reqsichichwanmi huñunakunanchik Salonpa ukun-hawan kaqkunata. Discursantepas discursopim kallpanchamunqa Jehová Dioswan amistadninkuta hinalla hatallinankupaq, chaymi yachachimusqankunataqa servichikuchwan paykunata kallpanchanapaq.
3. ¿Imaynatataq kallpanchachwan iñiyninkupi chiriasqa wawqe-paninchikkunata Jesuspa Wañusqanta Yuyarinapaq huñunakuyman hamuptinku?
3 Iñiyninkupi chiriaruqkuna: Chay huñunakuymanqa wakin wawqe-paninchik iñiyninkupi chiriaruqkunapas visitamuwasunmi. ¿Manachu asuykuspanchik makinchikta haywaykuspa saludaykuchwan? Ichaqa mana penqachinapaqmi cuidadowan rimananchik vidanmanta llumpayta mana tapupayaspa. Ancianokunam visitanqaku arreglota ruraspa chay huñunakuyman iñiyninkupi chiriasqa wawqe-panikuna kallpanchakuspa hamuqkunata hinaspam invitamunqaku qatiqnin huñunakuyninchikmanpas.
4. ¿Imatataq sapakama rurananchik visitaqninchikkunata yanapanapaq?
4 Chayllaraq visitamuqkuna: Chay huñunakuymanqa hamunqakum reqsinakusqanchikkuna otaq riy munaq ayllunchikkuna chaynataq sapaqchasqa arreglopi invitamusqanchik runakunapas. Chayllaraq visitamuwaqninchikkunata rikuspaqa, ¿manachu asuykuspa rimaykuchwan reqsiykunapaq? Ichaya chayllaraqpas chay huñunakuymanqa visitamuwanchik. Paywan rimaspanchikmi yachasun haykapi otaq maypim visitananchikta, hinaspam Jesuspa Wañusqanta Yuyarinapaq huñunakuy qepatam arreglota ruraspa Bibliamanta estudianapaq visitachwan.
5. ¿Imanispataq Bibliamanta estudiachiyta qallarichwan?
5 Watukuspanchikqa Jesuspa Wañusqanta Yuyarinapaq huñunakuypi uyarisqanchik discursotapas servichikuchwanmi Enseña sutiyoq librowan yachachinanchikpaq. Ejemplopaq; discurso qoqpas yachachimusqanpiqa leemurqachá Isaías 65:21-23 nisqanta. Kaymanta yachachispanchikqa nichwanmi: “Qawaykachisqaykiyá Cristo wañusqanwan wakin bendicionkuna chaskinanchikmanta” nispa. Hinaspaqa estudiachichwanmi Enseña sutiyoq libropa 4 hinaspa 5 paginankunata. Kaynatapas nichwanmi: “Achkam tapukunku haykapitaq kay willakuyqa cumplikunqa” nispa, hinaspam 9 kaq yachachikuypa 1 kaq parrafonmanta 3 kaq parrafonkama estudiachwan. Otaq Discurso qoqpa yachachimusqanmanta willaspanchikmi qallarichwan estudiachiyta Enseña nisqa librowan.
6. ¿Ima ruraytataq atisunchik Jesuspa nisqanman hina wañusqanta yuyarispanchikqa?
6 Llapanchikmi interesakunanchik Jesuspa Wañusqanta Yuyarinapaq huñunakuyman chayllaraq visitamuqkunata kallpanchanapaq hinaspapas Biblia estudiaqkunata, iñiyninkupi chiryaqkunata yanapananchikpaqpas (Luc. 22:19). Jehová Diosqa bendecinqapunimá Gobiernonmanta kallpanchakuspa predicasqanchikta.