Jesuspa wañusqanta yuyarinapaqyá astawan kallpanchakusun
1. ¿Imatam ruwawaq marzo, abril hinaspa mayo killakunapi astawan kusikunaykipaq?
1 ¿Munawaqchu marzo, abril hinaspa mayo killakunapi astawan kusikuyta? Chay killakunapi precursor auxiliar kanaykipaqmi kallpanchaykiku. ¿Imanasqataq chayqa astawan kusichisunkiman?
2. ¿Imanasqataq astawan predicaspaqa kusikuyta tarinchik?
2 Astawan kusikuy. Jehova Diosmi unanchawarqanchik payta yupaychaspaqa kusisqa kawsakunanchikpaq (Mat. 5:3). Chaymantapas hukkunata yanapaspa kusisqa kanapaqmi unanchawarqanchik (Hech. 20:35). Predicaspanchikqa Jehova Diosta yupaychaspam runamasinchikta yanapanchik. Chaymi astawan predicaspaqa astawanraq kusikuyta tarinchik. Chaymantapas mana manchakuspa allin yachachiqmi kanchik. Hinaspapas Diosmanta yachay munaqkunata tarispam estudiachiyta qallarinchik. Chaykunawanmi Diosta serviyninchikpi aswan kusikuyta tarisunchik.
3. ¿Imanasqam ancha allin marzo hinaspa abril killakunapi precursor auxiliar kayqa?
3 Marzo hinaspa abril killakunapim precursor auxiliar kayta atichwan 30 horata otaq 50 horata predicaspa. Chaymantapas Jesucristopa wañusqanta yuyarinapaqmi invitacionta aypusunchik. Chaytam qallarisun marzopa sabado 22 punchawninmanta abrilpa lunes 14 punchawninkama, chay punchawpi Inti seqaykuytam Jesuspa wañusqanta yuyarisunchik. Chay punchawkunapim Jehova Diosta serviqkunaqa astawan kallpanchakusunchik predicasqanchik lawkunata allinta predicanapaq (Sof. 3:9).
4. ¿Imakunatam ruwachwan precursor auxiliar kayta munaspaqa?
4 Kunanmantapacha tanteakuyña. Manaraq tanteakuspaykiqa chay killakunapi imakunata ruwaspa tiempochakunaykipaq tanteakuy huk killa otaq iskaynin killapas precursor auxiliar kaspa astawan predicanaykipaq. Chaypaq Jehova Diosta mañakuy (Sant. 1:5). Familiaykiwan rimay chaynataq iñiqmasinchikkunawanpas (Prov. 15:22). Saludnikipi sasachakuspaykipas otaq tukuy punchaw llamkaspaykipas atiwaqmi astawan predicaspa kusisqa kayta.
5. ¿Imanasqam Jesuspa wañusqanta yuyarinapaq predicasqanchikqa astawan allinpuni kanqa?
5 Jehova Diosqa munanmi kusisqa kawsakunanchikta (Sal. 32:11). Chay killakunapi Jesuspa wañusqanta yuyarinapaq astawan kallpanchakuspaqa kusisqam kasunchik chaymantapas Taytanchik Jehova Diostam anchata kusichisunchik (Prov. 23:24; 27:11).