2 Samuel
22 Jehová Diosmi Davidta salvarqan Saulmantapas+ llapa enemigonkunamantapas,+ chaymi Davidqa Jehová Diosman juj takita takirqan.+ 2 Khaynatan nirqan:
“Jehová Diosqa jatun qaqaymi, allin perqasqa llaqtaymi,+ librawaqniymi.+
3 Diosniyqa jatun qaqan,+ paypin noqaqa pakakuni,
payqa jark’aykuwaqniy escudon,+ ancha atiyniyoq libraqniymi,*
payqa mana piqpa chayanan pakakunaymi.+
Paymi salvawaqniyqa,+ paymanmi noqaqa pakakuq phawarini.+
Diosníy, qanmi millay runakunamantaqa salvawanki.
4 Noqaqa jatunchana Jehová Diostan wajakuni,
paymi cheqniwaqniy runakunamanta librawanqa.
5 Wañuymi lamar-qochaq phoqchiqesqan jinaraq muyuykushawarqan,+
millay runakunan lloqlla jinaraq jamushawarqan.+
7 Llakikuypin Jehová Diosta wajakurqani,+
mana sayk’uspan payta wajakurqani.
Diosniypa wasinmanmi kunkay chayarqan,
auxilio mañakusqaytan uyarimuwarqan.+
8 Jallp’a pachan chhafchikuyta qallarirqan,+
cielokunaq cimentacionninkunapas kuyukachaytan qallarirqan,+
9 Senqanmantan q’osñi lloqsimurqan,
siminmantataq manchay nina rauray lloqsimurqan.+
Paymantaqa sansaraqmi lloqsimurqan.
11 Querubín ángel+ patapin phalaspa jamurqan.
Juj angelpa rafranpin* rijurimurqan.+
12 Muyuriqnintan laqhayaywan* k’uyukurqan,
pakakushaq jinan tutayaywan p’istukurqan,+
parantin yana phuyuwanmi k’uyukurqan.
13 Paypa ñaupanpin k’anchay k’ancharirqan,
chaywanmi raurashaq sansa ch’eqemurqan.
14 Jehová Diosmi janaq pachapi rayo jina t’ojarqan,+
ancha jatun Diospa kunkanmi uyarikurqan.+
15 Flechantan flechamurqan,+ cheqnikuwaqniy runakunatan ch’eqerichirqan.
Llifllikiytan, rayotan kachaykamurqan, llapankutan mancharichirqan.+
16 Lamar-qochaq ukhunraqmi rijurirqan,+
jallp’a pachaq cimentacionninmi rijurimurqan,
Jehová Diospa anyasqanwanmi chaykuna karqan,
senqanpa phukusqanwanmi chaykuna pasarqan.+
17 Wichaymantapachan makinta jaywaykamurqan,
jap’iykuwaspan unu ukhumanta orqomuwarqan.+
18 Atiyniyoq enemigoymantan kacharichiwarqan,+
noqamanta aswan atiyniyoq cheqnikuwaqniykunamantan librawarqan.
19 Sasachakuy p’unchaypin paykunaqa phawaykamuwarqanku,+
ichaqa Jehová Diosmi noqataqa yanapawarqan.
21 Jehová Diosqa chaninta kausasqayman jinan premiota qowan,+
ch’uya makiyman jinan payqa kutichipuwan.+
22 Noqaqa Jehová Diospa ñannillanpin purirqani,
manan jayk’aqpas Diosniymanta t’aqakuy juchataqa ruwarqanichu.
25 Jehová Diosqa chaninta kausasqayman jina premiota qowachun,+
paypa ñaupanpi ch’uyata kausasqayman jina kutichipuwachun.+
26 Diosníy, junt’aq sonqoyoqpaqqa junt’aqllataqmi kanki,+
chaninta kausaqpaqqa chaninllataqmi kanki.+
28 Llamp’u sonqo runakunatan salvanki,+
jatunchakuq runakunatataq mana allinpaq qhawarinki, k’umuchinkin paykunataqa.+
29 Diosníy Jehová, qanmi k’anchawaqniyqa kanki.+
Jehová Diosmi tutayaqpi k’anchawaqniyqa.+
30 Yanapayniykiwanqa askha suwakunamanpas phawaykuymanmi;
Diosniypa atiyninwanqa may alto perqatapas seqaruymanmi.+
Payqa jark’apakuna escudo jinan pakakuqninkunapaq.+
32 ¿Jehová Diosmanta pipas juj Dios kanmanchu?+
¿Pipas Diosninchis jina jatun qaqa kanmanchu?+
34 Payqa tarukaq chakinman jinan chakiyta tukuchin,
alto patakunapipas qaqatan sayachiwan.+
35 Paymi makiytapas guerrapaq yachachin,
makiykunaqa cobremanta arcotapas mat’inmanmi.
37 Purinay ñantan jatunta kichanki,
chakiykunaqa manan llusk’anqachu.+
38 Enemigoy runakunatan qatipasaq,
aypaspan ch’usaqman tukuchisaq,
llapankuta chinkachispañan kutimusaq.
39 Llapankutan tukuchisaq,
pampamanmi paykunata ñit’isaq,
mana jatariqpaqmi sarusaq,+
ñaupaypin pampaman urmanqaku.
41 Enemigoykunatan ñaupaymanta ayqerichinki,+
llapa cheqnikuwaqniy runakunatan ch’usaqman tukuchisaq.+
42 Paykunaqa yanapaytan mañakunqaku,
ichaqa manan pipas yanapaq kanqachu.
Jehová Diostan wajakunqaku,
ichaqa manan uyarimunqachu.+
43 Paykunataqa ñut’u jallp’ata jinan ñut’usaq,
polvomanraqmi tukuchisaq,
callekunapi t’uruta jinan sarusaq.
44 Qanmi llaqtaq contraypi rimasqanmanta salvawanki.+
Nacionkunaq umallin kanaypaqmi cuidawanki.+
Mana reqsisqay llaqtan noqataqa serviwanqa.+
45 Waj llaqtayoq runakunan manchan-manchan jamuwanqaku,+
noqamanta rimaqta uyarispallan paykunaqa kasuwanqaku.
46 Waj llaqtayoqkunan pisi kallpayanqaku,
pakakusqankumantan khatatatasparaq jamunqaku.
47 ¡Jehová Diosqa kausaq Diosmi!
¡Jatunchasqa kachun pakakunay qaqaqa!+
¡Jatunchasqa kachun Diosniyqa, qespichiwaqniy qaqaqa!+
49 Cheqnikuwaqniy runakunamantan kacharichiwan.
Qanqa contraypi sayariqkunamanta aswan altomanmi oqariwanki,+
sinchi millay runakunamantan qespichiwanki.+