2 Samuel

7 Jehová Dios lliu enemigonkunamanta pakaykusqanraykun rey Davidqa wasinpi thaj kasharqan.+ 2 Jinan rey Davidqa profeta Natanta+ nirqan: “Noqaqa cedro maderamanta ruwasqa allin wasipin tiyashani,+ Diospa rimanakuynin arcataq ichaqa telamanta ruwasqa karpallapi kashan”,+ nispa. 3 Natantaq rey Davidta nirqan: “Sonqoykiq nisqanman jina ruway, Jehová Diosqa qanwanmi kashan”,+ nispa.

4 Chay tutapachan Jehová Diosqa Natanta nirqan: 5 “Phaway kamachiy Davidta nimuy: Kaytan Jehová Dios nin: Manan qanchu noqapaqqa wasita ruwapuwanki chaypi tiyanaypaqqa.+ 6 Egiptomanta Israel llaqtayta orqomusqaymantapachaqa manan noqaqa juj wasipichu tiyarqani,+ aswanpas karpallapin+ tiyarqani may ladomanña chay karpata aparqanku chaypas.* 7 Israel runakunawan kashaspaqa manan jayk’aqpas noqaqa nirqanichu cedro maderamanta juj wasita ruwapuwanankupaqqa. Chaytaqa manan jayk’aqpas Israel ayllukunata umallinanpaq ajllasqay runakunataqa nirqanichu, nispa. 8 Chaymantapas kamachiy Davidta nimuy: Kaytan ejercitokunata kamachiq Jehová Diosqa nin: Campopi oveja michisqaykimantan noqaqa orqomurqayki+ Israel llaqtayta umallinaykipaq.+ 9 Maymanña rinki chaypas noqaqa qanwanmi kashasaq.+ Lliu enemigoykikunatan ñaupaykimanta chinkachisaq.+ Kay pachapi allin reqsisqa runakunaman jinan tukuchisayki.+ 10 Israel llaqtaymanmi jallp’ata qosaq thaj tiyakunankupaq. Chaypin paykunata allinta tajyachisaq, manataqmi pipas tupaykunqachu. Millay runakunaqa manañan paykunataqa ñaupaqpi jinaqa ñak’arichinqakuchu,+ 11 imaynan juezkunata churasqay tiempomantapacha+ ñak’arichirqanku jinataqa. Noqan llapan enemigoykikunamanta pakaykusayki.+

”Chaymantapas noqa Jehová Diosmi nirqayki: Noqa Jehová Diosmi familiaykita reykuna kananpaq churasaq,*+ nispa. 12 Ñaupa taytaykikuna jina wañupuqtiykiqa,+ noqan familiaykimanta qanpa wawaykita reyta ajllasaq, paypa gobiernontan allinta tajyachisaq.+ 13 Paymi juj wasita ruwapuwanqa, chay wasin sutiyta jatunchanqa.+ Noqataqmi wiñaypaq paypa gobiernonta tajyachisaq.+ 14 Noqan taytan kasaq, paytaqmi waway kapunqa.+ Pay ima mana allintapas ruwaqtinqa noqan wanachisaq,* imaynan runakuna ruwanku jinata.+ 15 Paytaqa munakushallasaqmi,* manan Saulta jinachu saqerparipusaq.+ Saultaqa qanpa ñaupaykimantan wijch’upurqani. 16 Qanpa familiaykimanta lloqsiq reykunapas gobiernoykipas wiñaypaqmi allin tajyachisqa kanqa,+ nispa”.

17 Natanqa chaykuna uyarisqantan rijuriypi rikusqankunatan Davidman willarqan.+

18 Chaymi rey Davidqa Jehová Diospa ñaupanpi tiyaykurqan, jinaspa nirqan: “Tukuy munayniyoq Señor Jehová Diosníy, ¿imataq noqari kani? ¿Imataq familiaypasri tukuy kaykunata noqaykupaq ruwanaykipaqri?+ 19 Chaywanpas tukuy munayniyoq Señor Jehová Diosníy, qanqa imaymanatañan noqapaq ruwashanki. Kunanpas niwallankitaqmi familiaymanta reykuna lloqsispa unaypaq kamachikunanta. Tukuy munayniyoq Señor Jehová Dios, chay niwasqaykiqa juj kamachikuymi, manan pipas cambianmanchu. 20 Tukuy munayniyoq Señor Jehová Dios, kay kamachiykitaqa allintan reqsiwanki,+ imatawanñan astawan niykiman. 21 Prometesqaykiraykun munayniykiraykun qanqa tukuy kay admiranapaq kaqkunata ruwarqanki, chaytataqmi noqa kamachiykiman sut’inchawarqanki.+ 22 Chayraykun qanqa jatunchasqa kanki+ tukuy munayniyoq Señor Jehová Dios. Manan qan jinaqa pipas kanchu,+ uyarisqaykuman jinaqa manan juj Diosqa qan jinaqa kanchu.+ 23 Diosnilláy, Israel llaqtayki jinaqa manan juj nacionqa kanchu.+ Qanmi paykunata llaqtayki kananpaq Egiptomanta orqomurqanki.+ Paykunapaq admiranapaq kaqkunata ruwaspaykin+ sutiykita reqsichikurqanki.+ Paykunaraykun juj nacionkunatapas diosninkutapas wijch’urqanki. 24 Qanmi Israel llaqtata ajllakurqanki wiñaypaq llaqtayki kananpaq.+ Jehová Diosníy, qanmi paykunaq Diosnin kapurqanki.+

25 ”Kunanqa Jehová Diosníy, amapuni qonqaychu noqamanpas familiaymanpas prometewasqaykikutaqa. Junt’aypuni imachus prometesqaykitaqa.+ 26 Sutiykiqa wiñaypaq jatunchasqa kachun,+ chhaynapin runakuna ninqaku: Ejercitokunata kamachiq Jehová Diosmi Israel llaqtaq Diosninqa, nispa. Kay kamachiykiq familianpa gobiernontaq wiñaypaq tajyachisqa kachun.+ 27 Ejercitokunata kamachiq Jehová Dios, Israel llaqtaq Diosnin, qanmi kay kamachiykiman sut’inchawarqanki: Familiaykitan reykuna kananpaq churasaq,*+ nispa. Chaymi kallpata jap’ispay kaykunata mañakamushayki. 28 Tukuy munayniyoq Señor Jehová Dios, qanmi kanki cheqaq Diosqa, rimasqaykikunaqa cheqaqpunin.+ Qanmi kay kamachiykiman allin kaqkunata prometewarqanki. 29 Chhaynaqa kay kamachiykiq wasinta bendeciy, chhaynapi kamachikuynin wiñaypaq kananpaq.+ Chaytan qan tukuy munayniyoq Señor Jehová Dios prometewarqanki. Kay kamachiykiq familianpa gobiernon wiñaypaq bendecisqa kachun”,+ nispa.