RIMAYTA QALLARIY
6 YACHACHIKUY
Ama manchakuq kay
Bibliapin nin: “Diospa kallpachasqan kaspan paymanta allin willakuykunata mana manchakuspa qankunaman willarqaykiku”, nispa (1 Tes. 2:2).
Jesuspa imachus ruwasqan
1. VIDEOTA qhaway otaq leey Lucas 19:1-7 textota. Jinaspa qatimuq tapuykunapi yuyaymanay:
¿Imaraykun wakin runakuna mana juñukuyta munaqkuchu Zaqueo sutiyoq runawan?
Chhaynaña kaqtinpas, ¿imaraykun Jesús payta rimapayarqan?
¿Imatan yachasunman Jesuspa imayna yachachisqanmanta?
2. Cheqaq kaqmanta llapa runakunaman yachachinanchispaqqa mana manchakuqmi kananchis.
Jesuspa ruwasqanta jina ruway
3. Jehová Diospi confiay. Diospa santo espiritunmi Jesustaqa yanaparqan mana manchakuspa Diosmanta willananpaq, chhaynatan qantapas yanapallasunkitaq (Mat. 10:19, 20; Luc. 4:18). Jehová Diospa yanapayninta mañakuy ama manchakuspa llapa runakunaman willanaykipaq (Hech. 4:29).
4. Ama rijch’ayninta qhawaychu. Mayninpiqa runakunaq rijch’ayninta qhawaspa, allin estudioyoq kasqankuta reparaspa, qolqeyoq kasqankuta reparaspa, religionniyoq kasqankuta reparaspa iman paykunawan rimayta manchakusunman. Ichaqa kaytan yuyarinayki:
Jehová Dioswan Jesusllapiwanmi runakunaq sonqonpi imachus kasqantaqa yachayta atinkuman; noqanchisqa manan.
Jehová Diosqa llapa runakunatan khuyapayan.
5. Mana manchakuq kay, ichaqa allin reparaq kay (Mat. 10:16). Respetowan rimapayay, ama discutiychu. Sichus reparanki mana uyarikuy munaqta jina chayqa, sumaqllata ripuy (Prov. 17:14).
QHAWALLAYTAQ
Hech. 4:31; Efes. 6:19, 20; 2 Tim. 1:7 textokunata.