Huñunakuypi estudianapaq revistapi cambiokuna
Kunanmantapachan estudiananpaq Qhawaq revista aswan munay lloqsimunqa, chhaynapin aswan facilta Diospa yachachikuyninkunata t’aqwinki (Sal. 1:2; 119:97).
Tawa watañan pasarun chay revista iskaypi lloqsimusqan: hukninmi llapa runakunapaq, huknintaq Jehová Diospa testigonkunapaq, iñiyninkupi wiñayta munaq Biblia estudiaqkunapaqwan.
Askha wataña experienciayoq cristianon kayta qelqamurqan: “¡Allintapunin Diospa yachachikuyninkunata t’aqwin! nispan yuyaykurqani estudianapaq Qhawaq revista chayllaraq lloqsimuqtin. Bibliapi t’aqwinapaq yachachikuykunata imayna explicasqanmi sonqoyman chayarqan. Anchatan agradecekuykichis chhayna sumaq regalo qowasqaykichismanta”, nispa. Huk cristianon qelqamullarqantaq: “Kay revistatan Biblia con referencias nisqaq yanapayninwan askha horakuna estudiayta munashani”, nispa. Qankunapas chhaynatachá yuyaykunkichis.
¿Yuyashankichu hayk’aqmantapacha Qhawaq revista lloqsimusqanta? ¡1879 watamantapachan! Chhayna hatun ruwayqa aparikushan Diospa espiritunpa yanapaynillanwanmi (Zac. 4:6). 133 watakunaq pasasqanpin askha kutita kay revistaq tapanpi cambiokuna ruwakurqan. 2012 watapiqa chay revistaq tapanpin predicasqanchismanta fotokuna lloqsimunqa. Chaymi yuyarichiwasun lliw runaman Reinomanta rimanapaq Diospa kamachiwasqanchista hunt’ananchis kasqanta (Hech. 28:23). Revistaq tapanpi kaq foton iskay kaq paginapi kallanqataq, pisillapin willanqa chay fotomanta, maypi horqosqa kasqantapas. Chayqa sapa killan yuyarichiwasun Jehová Diospa testigonkuna “kay pachantinpi” predicashasqanchista (Mat. 24:14).
Ichaqa manan chayllachu. Estudianapaq articulokunata qhawaspan reparallankitaq yuyarinapaq tapukuykuna qallariyninpi kasqanta. Chhaynapin qallariymantapacha yachanki chay estudiopi mayqenchus importante yachachikuykuna kasqanta, chaykunatan maskhawaq preparakusqayki ratopi. Chay tapuykunataqa ruwakushallanqan Qhawaq revista estudiasqanchis tukuyta. Chaymantapas revistapi hojakunaq patanqa as chhikan hatunmi kashan, parrafoq, paginaq numeronkunapas aswan reparanapaq hinan kashan.
Chaymantapas mosoq temakunan kashan. Hukninmi “Waqaychasqanchiskuna”, nisqa tema. Kay revistapi willakusqan hina, chayqa lloqsimunqa kay tiempopi Jehová Diospa testigonkuna imakunachus ruwasqankumanta yuyarinapaqmi. Chaymantapas mayninpin lloqsimullanqataq “Tukuy sonqo ofrecekurqanku” nisqa tema, chaypin willanqa kay tiempopi iñiqmasinchiskunaq experiencianta, paykunan kusikuyta thak kayta tarirqanku publicadorkunaq necesitakusqan llaqtakunapi predicaspa.
Anchatan munayku kay revistaq yanapayninwan Diospa yachachikuyninkunata t’aqwispa kusikunaykita.
Ruwaqkuna
[3 paginapi foto]
1879
[3 paginapi foto]
1895
[3 paginapi foto]
1931
[3 paginapi foto
1950
[3 paginapi foto]
1974
[3 paginapi foto]
2008