Bibliamantan astawan rimanqa
1. Qallariypi, ¿pikunallapaqmi qelqakuran The Watchtower, sutiyoq revista? ¿The Golden Age sutiyoq revistari?
1 Waranqa isqon pachak chunka isqonniyoq watapin 1 de octubre killapi lloqsiran The Golden Age (La edad de oro) nisqa revista, españolpin ichaqa 1932 watapi qelqakuyta qallariran, Luz y Verdad sutiwan. Lliw runakunapaq ruwasqa kasqanraykun kay revistaqa predicacionpi allinta yanaparan, The Watchtower (españolpi La Atalaya sutiwan reqsisqa) revistan ichaqa, unay wataña qelqakuran ‘pisi ovejakunallapaq’ (Luc. 12:32). Reinomanta predicaqkunaqa kusikuywanmi chaskiranku The Golden Age sutiyoq revistata, unay watakunan kay revistataqa, The Watchtower sutiyoq revistamanta aswan askhata ruwaranku.
2. ¿Ima sutiwanmi kunan reqsinchis The Golden Age nisqa revistata, imapaqmi qelqakuran qallariymantapacha?
2 The Golden Age revistaqa qelqakuran Waranqa Wata Cristo kamachiqtin, mundontinpi sasachakuykuna imayna allichakunanta willananpaqmi, chaywanmi qallarinman runakunapaq sumaq kawsay. Watakunaq pasasqanman hinan runakunaq kawsaynin cambian, chayraykun kay revistapas chayman hina cambiallantaq. 1938 watapin kay revistata sutichakuran Consolación nispa; 1947 watapitaq ¡Despertad! nispa, kunankaman chay sutiwan reqsinchis.
3. ¿Ima profeciaq hunt’akuyninpin revista ¡Despertad! allinta yanapan?
3 1919 watapi qelqakusqanmantapachan kay revistaqa predicacionpi allinta yanapan (Mat. 24:14). Ichaqa, p’uchukay tiempopi kawsasqanchisraykun allin kanman ¡Despertad! revistapi mosoq cambiokuna ruway.
4. a) ¿Imatan ruwananku runakuna Jehová ‘Diospa k’araq phiñakusqan p’unchaypi pakaykusqa kanankupaq’? b) Revelación 14:6, 7 versiculokunaq nisqanman hina, ¿ima ninmi runakunata ‘hanaq pachanta phalaq ángel’?
4 Millonninpi runakunan gustowan leenku ¡Despertadtaqa!, imaymana temakunamanta rimasqanrayku. Jesuspa wañusqan Yuyarisqanchisman hamuqkunaqa yaqa llapankuchá kay revistata sapa kutin leenku. Jehová ‘Diospa k’araq phiñakusqan p’unchaypi pakaykusqa kayta’ munaqkunaqa, manan qelqanchiskunallatachu leenanku (Sof. 2:3; Rev. 14:6, 7).
5. a) ¿Imamantan ¡Despertad! astawan rimanqa 2006 watapi enero killamantapacha? b) ¿Ima ruwanankupaq kallpachasqan kankuman askha runakuna, ima profeciatan chay hunt’anqa?
5 Chayraykun 2006 watapi, enero killamantapacha ¡Despertadqa! Diospa Reinonmanta astawan rimanqa. Leeqkunatan kallpachanqa sasachakuyninkuta allichanankupaq Bibliapi consejokuna maskhanankupaq, yachallanqakutaqmi kay tiempopi kawsaymanta Bibliaq willasqantapas. Chhaynapin leeqkunaqa entiendenqaku kay tiempopi imakunapas sucedesqanta, chaymi kallpachanman Jehová Diosmanta astawan yachanankupaq (Zac. 8:23).
6, 7. a) ¿Imaynatan revista ¡Despertad! askha runata yanapanqa 1 Tesalonicenses 2:13 versiculoq nisqan paykunapaq cheqaq kananpaq? b) ¿Hayk’a kutitan killapi ruwakunqa revista ¡Despertad!, hayk’a simikunapin manaña killapi iskay kutitachu qelqakunqa?
6 ¡Despertad! revistaqa willashallanqan lliwman interesaq temakunata. Aswantan ichaqa Bibliamanta willanqa (1 Tes. 2:13). La Atalaya revistan willan Bibliapi sasa yachaykunata, ¡Despertadpas! astawanmi Bibliamanta willanqa, chayraykun manaña killapi iskay kutitachu ruwakunqa. 2006 watapi enero killamantapachan ¡Despertad! revistaqa killapi huk kutillataña ruwakunqa, chaymi pisiyachinqa chay revista ruwanankupaq askha llank’asqankuta, huk simiman t’ikrasqankuta, lliw congregacionkunaman apachisqankutapas.
7 Kinsa chunka pisqayoq simikunapin ¡Despertad! qelqakuran killapi iskay kutita, kunanmi ichaqa chay simikunapipas killapi huk kutillataña qelqakunqa. Yaqa llapan simikunapin kay revistaqa qelqakun killapi huk kutillata otaq sapa kinsa killamantapas. La Atalaya revistan ichaqa kaqlla kanqa.
8. ¿Imaynatan publicadorkuna munachinkuman ¡Despertad! revistata Atalayatawan kuska?
8 Publicadorkunaqa munachinkumanmi sapa killapi ruwakuq revista ¡Despertadta! mayqen Atalayawanpas. Killapi huk revistalla kasqanraykun ¡Despertad! munachinapaq Reinopaq Servicionchispi yanapaykunaqa killantinpaq kanqa, manañan kunan hinachu killapi iskay kuti.
9. ¿Imapin yanapashallanqa revista ¡Despertad!?
9 1919 watapi qelqakuy qallarisqanmantapachan ¡Despertad! revistaqa predicacionpi anchata yanaparan, yachasqanchis hinan kay revistaqa reqsisqa karan The Golden Age, Luz y Verdad, Consolación sutikunawan. Jehová Diostan mañakunchis kay revistaq cambiasqan qhepaman rakisqanchista saminchananpaq, “llapa suyukunamanta, ayllukunamanta, llaqtakunamanta, tukuy rimaykunamantawan” askha runakuna, Diospa Reinollanpi suyakunankutapas (Rev. 7:9).