“Ima nispan kutichiwaq?”
1. ¿Ima ruwaykunan wakinninchispaq sasa kanman?
1 Diospa Simin qelqata munakunchis chaypas, wakinninchispaqqa sasan willakuyninkunata k’apaqta yuyariy maypi tarikusqantapas. Munawaqchu wawaykikuna Bibliamanta qallariy yachachikuykunata, hoq willakuyninkunatapas allinta entiendenankuta? ¡Despertadpa! 31 paginanpi lloqsimun “¿Qué respondería usted?” (Ima nispan kutichiwaq?) nisqa, chay paginaqa yanapanmanmi wayna-sipaskunata kuraqkunatapas Diospa Siminmanta astawan yachanankupaq (Hech. 17:11).
2. ¿Imaynatan t’aqwisunman ¡Despertadpa! 31 paginanta?
2 Imaynatan chay paginata allinta t’aqwirisunman? 2006 wata enero killa ¡Despertadmi! kayta niran: “Tiempota hap’ina 31 paginata t’aqwinanchispaq. Wakin t’aqayninkunaqa wawakunapaq hina kashan, wakintaq kuraqkunapaq hinaña. ‘¿Cuándo sucedió?’ (Hayk’aqmi karan?) nisqa t’aqapiqa hayk’aqchus sucedesqanman hina kutichinanchis. ‘En este número’ (Kay revistapi) nisqa t’aqapi tapuykunaq kutichiyninqa kashan kaq revistallapi; ichaqa wakin t’aqakunaq kutichiyninkunaqa yaqa llapanmi chay revistaq hoqnin paginapi t’ijranpanmanta churasqa kashan. Kallpachaykiku tiempota hap’ispa kikillaykimanta chay tapuykunapaq kutichiykunata maskhanaykipaq, chaymantaña t’ijranpamanta kaq kutichiykunata qhawawaq, hoqkunawanpas rimawaqmi yachasqaykimanta. Familiaykiwanpas rimawaqmi ‘¿Qué respondería usted?’ (Imaynatan kutichiwaq?) nisqamanta.”
3. “¿Qué respondería usted?” nisqa, ¿imaynatan wakin familiakunata yanapan? ¿Ima t’aqayninkuna astawan qanman gustasunki?
3 Wakinqa familiankuwan Bibliata estudiaspan t’aqwirinku chay paginata. Hoq pananchismi niran: “Qosaywan rimarayku Biblia estudiasqaykupi ‘Para los niños’ nisqa t’aqata qhawanaykupaq, chhaynapi kinsa watachayuq wawachaykupas astawan kusikunanpaq. Kunanqa payqa makillan revistanta qhawarin maskhasqanta tarinankama”, nispa. Brazil llaqtayuq wayqenchis niran: “Noqapas qanchis watayuq churiy Moiseswanmi makilla t’aqwiriyku chay paginata. Payqa tukuy yuyaywanmi textokunata maskhan, dibujokunapi pikuna imakuna kasqanta reqsin, hayk’aqtaq chaykuna sucedesqantapas yachan”, nispa. Pusaq watachayuq erqecha Ashley sutiyuq qelqaran: “Gracias niykichismi ¡Despertad! revistapi ‘¿Qué respondería usted?’ nisqata ruwasqaykichismanta, chaymi Bibliamanta askhata yachachiwan”, nispa.
4. ¿Imaynatan familiapi t’aqwinkuman “¿Qué respondería usted?”, nisqa paginata?
4 Mayninpiqa chay paginata t’aqwiwaqchismi familiaykiwan Bibliata estudiashaspa. Índice nisqa librowan utaq Watchtower Library CD-ROM nisqawanpas yanapachikuwaqmi sasa tapuykunaq kutichiyninta tarinaykipaq. Chhaynapin wawaykikunata yachachishanki estudiayta. Manaraq familiapi Bibliata estudiashaspan kuraq wawaykikunata niwaq “¿Quién soy?” utaq “¿Cuándo sucedió?” nisqa tapuykunaq kutichiyninta maskhanankupaq. Chaymantataq familiapi Bibliata estudiasqaykichispi niwaqchis kutichinankupaq. Sichus tayta-mamakuna allintapuni chay paginata t’aqwinqaku chayqa, yanapanqakun wawankuta ‘Diospa Simin Qelqata’ wawa kasqankumanta pacha reqsinankupaq (2 Tim. 3:15; Deu. 6:7).