Aswan Allin Yachachiqta qatikusun Enseña libromanta yachachispa
1. ¿Imaynatan Jesús yachachiran?
1 Aswan Allin Yachachiq Jesusqa ch’uyata entiendenallatan yachachiran. Uyariqninkunata yuyaymanachinanpaqmi mayninpiqa yuyaykusqankutaraq tapuq (Mat. 17:24-27). Diospa Simin Qelqamantapuni yachachiran (Mat. 26:31; Mar. 7:6). Jesusqa manan ñit’iranchu yachachisqankunata sinchi askhata yachachispa, payqa yacharanmi pisi-pisimanta yachanankuta (Juan 16:12). Jesusqa munaranpuni yachayta, yachachisqankuna entiendeshankuchus iñishankuchus yachachisqanpi icha manachus chayta (Mat. 13:51). Enseña libroqa Jesús hina yachachinapaqmi ruwasqa kashan.
2. ¿Sapanka capituloq uranpi tapuykunawan imaynata yanapachikusunman?
2 Qallariy tapuykuna: Estudiota qallarispaqa allinmi kanman tituloq uranpi tapuykunata qhawariy. Yachachisqayki makilla uyarinanpaqqa qallariypi tapuykunata leechiwaq otaq tapuwaq pisillapi kutichinanpaq. Manan kutichisqanmanta astawan rimarinachu, nitaq pantaqtinpas: manan chhaynachu, ninachu. Aswanpas, kutichisqanmanta gracias nispalla estudiota qallarina. Chay tapuykunata imayna kutichisqanta uyarispan reparanki imapi yanapanaykita.
3. ¿Imaynatan estudiota qosunman entiendenapaq hinalla?
3 Textokuna: Estudioqa Bibliaq yachachisqanpin teqsichasqa kanan (Heb. 4:12). Ichaqa manan libropi kaq llapan textokunatachu leena. Allin yachachiykunawan tupaq textokunallatan leena. Wakin textokunataqa manapaschá leenachu kanqa. Enseña nisqa libroqa entiendenallatan cheqaq-kayta yachachin; chay rayku ama sasamanchu tukuchiy estudio qosqaykita. Capituloq allinnin yachachikuykunallatan astawanqa yachachina, amataq llapanmantachu rimana, nitaq huk qelqakunamantapas nishutachu rimana.
4. ¿Imaynatan yachasunman apéndice nisqapi yachachikuykunata t’aqwinachus icha manachus chayta?
4 Apéndice: Apéndice nisqapiqa 14 yachachikuykunan kan, libroq capitulonkunaq yachachikuyninkunata astawan mat’ipanapaq. Kay yachachikuykunataqa necesitakullaqtinmi qhawarina. Wakintaqa kikin yachachisqallaykin t’aqwirinman, astawanqa capituloq nisqanta allintaña entiendeqtin chaypi iñiqtinpas. Ejemplopaq sichus yachachisqayki entiendenña Jesús Mesías kasqanta chayqa, 4 capitulopi Jesucristomanta estudiashaqtiykichisqa manañan paywan kuskañachu t’aqwiwaqchis “Jesucristo, el Mesías prometido” nisqa yachachikuyta. Mayninpiqa allinmi kanman apéndice nisqamanta wakin yachachikuykunata t’aqwiy, llapanta otaq wakillantapas.
5. ¿Imaynatan apéndice nisqata t’aqwisunman?
5 Sichus apéndice nisqata t’aqwirinkichis chayqa, tapuykunata ñawpaqmanta allichawaq, hinaspa imayna capitulokunata estudiankichis chay hinata ruwawaq. Otaq estudio ruwasqaykipi pisillapi qhawariwaqchis apéndice nisqata, yachachisqaykiq necesitasqanman hina. Chhaynapin reparanki yachachisqayki kikinmanta leesqanta entienderanchus icha manachus chayta.
6. Capituloq tukuyninpi recuadrowan, ¿imaynatan yanapachikusunman?
6 Yuyarinapaq recuadro: Yuyarinapaq recuadropi yachachiykunaqa yaqa llapallanmi kutichin capituloq qallariynin tapuykunata. Chay recuadrowanmi estudio tukuyta kutipawaq capituloq allin yachachikuyninkunata. Wakin publicadorkunaqa yachachisqanwan kuska leenku recuadrota, yaqapaschá chaypi kaq textokunatapas. Hinaspataq yachachisqanta tapunku recuadropi willaykuna textokunawan imayna tupasqanta. Chhaynapin yachachiqqa reparanqa yachachisqan, entiendeshanchus capituloq allin yachachikuyninkunata icha manachus chayta, hinallataq chay yachachikuykuna Bibliawan tupasqantapas reparashanchus icha manachus, iñishanchus icha manachus chaykunatawan reparanqa. Chhaynapin estudiaqpas yachanqa cheqaq-kaymanta hukkunaman Bibliawan yachachiyta.
7. ¿Imaynatan Enseña librowan yanapachikusunman llank’ayninchista hunt’ananchispaq?
7 Predicay llank’ayninchista, yachachiy llank’ayninchistapas allinta hunt’anapaqqa Jesuspa yachachisqanta qatichikunanchis (Mat. 28:19, 20). Enseña libron yanapawasun chayta ruwanapaq. Chay hinaqa kay librowan runakunaman cheqaq-kaymanta yachachisun entiendenankupaq hinalla.