¿Imaynata hukkuna hukkunawan predicacionpi kallpachanakusunman?
1 Llapallanchismi agradecekunchis ‘tiemponpipuni rimasqa simimantaqa’ (Pro. 25:11). ¿Imaynatan predicacionpi wayqe pananchiskunawan kallpachanakusunman?
2 Kallpachanapaq hina rimasun: Sichus predicacionpi rimasunchis Dios yupaychaymanta chayqa kallpachanakusunmi (Sal. 37:30). Kaykunamanta rimasunman: predicacionpi imaynata runakunawan rimayta qallarinapaq, chayllaraq predicasqanchismanta sumaq experienciakunamantapas (Hech. 15:3). Hinaspapas, yaqapaschá Bibliata estudiasqanchispi, revistakunata leesqanchispipas tariranchis allin willakuykunata otaq huñunakuykunapi allin willakuykunata uyariranchis. Rimallasunmantaqmi chayllaraq uyarisqanchis hatun discursomantapas.
3 Mayninpiqa yaqapaschá predicacionpi sasachakuykuna kaqtin mana atisunmanchu imayna kutichiyta. Chhayna kaqtinqa, predicaqmasinchiswan rimasunman imaynata hukpi chhayna sasachakuykunata kutichisunman, chaypaqqa qhawasunman Razonamiento nisqa librota. Chaymantapas, sichus predicaqmasinchis sumaqta predicarun chayqa, kallpachaykusunmanmi, allintan ruwarunki, nispa.
4 Reparaq kay: Qelqamanta Yachanapaq huñunakuqmasinchiskunawan manaraq llapanwanchu predicanchis chayqa, paykunawan predicasunman, chhaynapi ‘kallpachanakunanchispaq’ (Rom. 1:12). Precursor regularkunapas auxiliarkunapas anchatan agradecekunku tutamantan otaq ch’isinta paykunawan kuska predicaqtinchis, chay horariokunapi pisilla lloqsisqankurayku. Paykunatapas kallpachasunmi kuska lloqsiqtinchisqa. Yaqapaschá mayqen publicadorpas onqosqa kasqanrayku mana predicacionman lloqsiyta atinchu. Paykunatapas yanapasunmanmi estudio qosqanchisman pusaspa (Pro. 27:17).
5 Sumaq rimaykunawan kallpachayqa ancha allinpunin. Chhaynaqa ama chayta qonqasunchu wayqe pananchiskunawan predicaqtinchis, chhaynapi ‘hukkuna hukkunawan [...] kallpachanakunanchispaq’ (1 Tes. 5:11).