Iñinankupaq hina yachachiy
1. ¿Imatan ruwana Diospa Simin Qelqawan allinta yachachinapaq?
1 ‘Cheqaqkay simita allin yachachiqkunaqa’ manan: “Chhaynatan Biblia yachachin”, nispallachu ninku, aswanmi uyariqninku iñinanpaq hina yachachinku, chhaynatan apóstol Pablopas yachachiq (2 Tim. 2:15). ¿Imaynapin ñoqanchispas uyariqninchiskunata iñichisunman? (Hech. 28:23.)
2. ¿Imatan ruwasunman uyariqninchiskuna Diospa Simin Qelqata respetanankupaq?
2 Diospa Simin Qelqata leesun. Runakunaman yachachishaspaqa Bibliamantapunin leenanchis, chhaynapin paykunaman rikuchisun Diospa Simin Qelqa respetasqanchista. Diospa Siminpi confiasqanchista rikuspan makilla uyarinkuman huk texto leesqanchista (Heb. 4:12). Nisunmanmi: “Chaymanta Diospa yuyaykusqanmi ñoqataqa anchata yanapawarqan. Qhawarisunchis kay textota”, nispa. Atikusqanman hina leesunpuni Bibliata.
3. ¿Imatan ruwananchis uyariwaqninchis runa leesqanchis textota entiendenanpaq?
3 Chaymantapas explicananchismi leesqanchis textota, mana chayqa manapaschá ratullachu entiendenkuman (Luc. 24:26, 27). Rimasqanchis temawan tupaq simikunatan astawanqa rimananchis. Chaymantapas, tapuspan yachasunman entiendewashanchischus manachus chayta (Pro. 20:5; Hech. 8:30).
4. ¿Imatan ruwanallataq runakunata iñichinapaq?
4 Yachasqanku allinninkupaq kasqanta qhawarichiy. ¿Imatawanmi ruwananchis? Yuyaymanachinanchismi, sonqonmantaq chayananchis. Chaypaqmi qhawarichinanchis imaynapi chay textoq nisqan payman interesasqanta. Bibliamanta yachachispaqa yaqapaschá iñichisunman, chhaynapin cambianman imayna yuyaykusqanta (Hech. 17:2-4; 19:8). Mateo 6:9 textota leespan nisunman huk runawan reqsinakunapaq sutinta yachay necesario kasqanta. Chaymantataq tapusunman: “¿Aswan allinchu mañakuyniyki kanman Diosta sutinmanta waqyaqtiyki?” nispa. Chhaynapin chay runa reparanqa chay textoq nisqan allinninpaq kasqanta. Bibliawan sonqoman chayaqta yachachiqtinchisqa, askha runakunan Jehová Diosta yupaychanqaku (Jer. 10:10).