Uyarikunankupaq hina rimay
1. ¿Imatan yachanchis ñawpaq cristianokuna hukniraykunamanta predicay qallarisqankumanta?
1 Qallariypi cristianokunaqa imaymana creenciayoq costumbreyoq llaqtakunapin allin willakuykunata predicarqanku (Col. 1:23). Paykunaqa Diospa Gobiernonmantan predicarqanku, ichaqa runakuna imayna kasqankuman hinan predicayta qallariqku. Huk kutinmi Pedro Diospa Siminta respetaq judiokunaman predicarqan, chaymi profeta Joelmanta rimaspa qallarirqan (Hech. 2:14-17). Hechos 17:22-31 textopiqa Pabloq predicasqanmantan rimashan, payqa griego runakunatan hukniraymanta yuyaymanachirqan. Kay tiempopipas askha cheqaskunapin runakuna Bibliata respetanku, chaymi Bibliamanta qhawachisunman wasin-wasinta rispa. Ichaqa Bibliapi otaq religionpi mana interesakuqtinkuqa, yaqapaschá mana Bibliamantachu rimayta qallarisunman.
2. ¿Imaynatan killapi munachinanchis qelqakunata utilizasunman Bibliapi iñiq otaq mana iñiq runakunata yanapanapaq?
2 Allinta utilizay munachinanchis qelqakunata. Kay killamantapachan munachinanchis qelqakunaqa sapa iskay killa cambianqa, chaypin lloqsimunqa revistakuna, tratadokuna, folletokuna ima. Bibliapi mana interesakuq runakunamanqa yachay munasqankumantan willasunman. Interesakuqtinkuqa kutinanchismi manaña Bibliamanta huk textota leepurqanchischu chaypas, chhaynapin yanapasun Jehová Diospi Bibliapipas iñinankupaq. Ichaqa Bibliata respetaq runakunawan rimasun chayqa qhawachisunmanmi, hinaspapas Bibliamanta willaq qelqakunatan qosunman. Kay qelqakunatan munachisunman: Imatapunin, Diosta uyariy, Diosta uyarispaqa wiñaypaqmi kawsanki; chay killapi munachishanchisña otaq manaña chaypas. Yuyarinanchismi runakuna uyarikunankunpaq hina predicay allinpuni kasqanta.
3. ¿Imaraykun runakunaq sonqonta tarpuna hallp’aman rikch’anachikun?
3 Runakunaq sonqonman chayay. Runakunaq sonqonqa tarpunapaq hallp’amanmi rikch’akun (Luc. 8:15). Wakinqa aswanta preparanatan necesitan, ahinapi cheqaq kaqmanta muhu saphichakuspa wiñananpaq. Qallariypi cristianokunaqa imaymana clase runakunaq sonqonpin cheqaq kaymanta muhuta tarpurqanku, chay ruwasqankuqa allinpin tukurqan chaymi anchata kusikurqanku. (Hech. 13:48, 52). Ñoqanchispas paykuna hinan tarikusunman, sichus allinta qhawarisun imayna predicasqanchista chayqa.