Tapuykuna

◼ ¿Pikunamanmi qelqanchiskunata saqenanchis?

Llapa astawan yachay munaq runaman. Sichus willasqanchista tukuy yuyaywan uyarikun chayqa revistata, folletota, librota otaq huk qelqatapas saqesunmanmi, manaña ima contribuciontapas qonmanchu chaypas (Job 34:19; Apo. 22:17). Mana munaqkunamanmi ichaqa manapuni saqenanchischu, qelqanchiskuna ancha chaniyoq kasqanrayku (Mat. 7:6).

¿Imaynapin reparasunman astawan yachay munaq runata? Makilla uyarikusqanpin, rimay munasqanpipas. ¿Kutichinchu tapusqanchisman? ¿Niwanchischu yuyaykusqanta? Bibliapi textokunata leeshaqtinchis qatipasqanpin reparasunman Diospa Siminta respetasqanta. Mayninpin ichaqa tapunanchis: “¿Leewaqchu kay qelqata?” nispa. Allin yuyaywanmi reparasunman astawan yachay munaq runa kasqanta. Chaymi callepi predicaspa mana llapa runamanchu qelqata saqena. Iskayashanchis chayqa, tratadollata otaq huñunakuyman rinapaq hojallatan saqenanchis.

Huñunakuna wasipi, ¿hayk’a qelqakunatan horqosunman? Predicanapaq necesitasqallanchistan, manan qolqe churasqanchismantachu kanqa. Qolqe churasqanchisqa manan qelqakunamanta paganapaqchu aswanpas hallp’antinpi predicacionta aparikunanpaqmi. Chhaynaqa, chaykunamanta agradecekuspan tukuy sonqowan churananchis, wakchaña kasunman chaypas (Mar. 12:41-44; 2 Cor. 9:7). Chaymi contribucionta mana usuchinapaq hina qelqakunata necesitasqallanchista horqonanchis.

[2 paginapi willakuy]

Allin yuyaywanmi reparasunman astawan yachay munaq runa kasqanta