¿Allin cuidasqachu kashan?

May allinmi kanman manaraq predicaq rishaspa chay tapuyta ruwakuy. Sichus predicananchispaq apasqanchis qelqakuna qhelli, llik’isqa q’aqñu-q’aqñu kashan chayqa, manan sumaqtachu qhawarinqaku salvakunankupaq allin willakuykuna willasqanchista. Hinaspapas p’enqaypin qhepachisun Diospa llaqtanta.

¿Imaynatan allinta cuidasunman qelqanchiskunata? Wakinqa bolsankupin sumaqta allichanku sayayninman hina. Sapanka qelqakunatan t’aqa-t’aqata churanku. Sapa rimaspataq Bibliata allinta cuidanku mana q’aqñukunanpaq mana qhellichakunanpaq ima. Chay hinatan huk qelqakuna apasqankuwanpas ruwanku, sumaqllatan bolsankuman churaykapunku. Wakinqa folderpi otaq sumaqchata imapipas churanku. Imaynataña cuidasunman chaypas, manapunin imaynallanmantapas predicasqanchis llank’aymanta p’enqayta rimanankupaqqa campota qonachu (2 Cor. 6:3).