Predicaspa yanapachikusun jw.org nisqawan

Internetpi qelqanchiskuna videokunan yanapawashanchis “kay pachaq k’uchunkunakamaraq” allin willakuykunata mast’arinapaq (Hech. 1:8). Ichaqa askha runakunaraqmi mana yachankuchu chayta, chaymi necesitanku jw.org nisqamanta willananchista.

Huk watukuq umallin celularninman horqorqan ¿Imaraykun Bibliata estudianayki? nisqa videota, chaytan tupasqan runakunaman rikuchin. Wasin-wasinta predicaspan nin: “Llapa runakunatan visitashani kay kinsa tapuykunamanta yachanapaq: ¿Imaraykun kay pachapi kawsay millayman tukupushan? ¿Imaynatan Dios chaykunata allichanqa? ¿Imatan sapankanchis ruwasunman? Chay tapuykunatan kay video kutichishan”, nispa. Chayta nispan videota qhawachinpacha. Chay videoqa ancha munaymi, chaymi tukunankama mana kacharispa qhawanku. Chay qhepamanmi nin: “Kaypi uyarisqayki hina, jw.org nisqapin estudiota mañakuwaq. Ichaqa ñoqan yachachiykiman estudiota imayna aparisqaykuta”, nispa. Chay runa munaqtinqa ¡Diosmanta hamuq allin willakuykuna! nisqa folletowanmi estudiota qallarinku. Mana tiempoyoq kaqtinqa ninmi hukpi kutinanpaq. Chay hinatan ruwan tiendaman rantikuq haykuspapas. Ñoqanchisri, ¿yanapachikushanchischu predicasqanchispi jw.org nisqawan?