Predicasun “Jehová Diospa amigon kay” nisqa videokunawan

Internetpi jw.org, QELQAKUNA>VIDEOKUNA nisqapin kashan wawakunapaq “Jehová Diospa amigon kay” nisqa videokuna. Chaykunawan yanapachikuspan hukkunaman predicasunman. Sichus estudiachisqanchis runakunaq huch’uy wawankuna kan chayqa, paykunamanmi qhawachisunman mayqen videotapas. Chayta ruwasun chayqa, paykunallamantan jw.org nisqapi huk yachachikuykunata maskhankuman.

Huk iñiqmasin Diospa Gobiernonmanta willakuykuna 38 kaq tratadowan predicasharqan. Chaytan huch’uy wawakunayoq warmiman qorqan leenanpaq, hinan wawakunapas chay tratadomanta yachayta munarqanku. Chayta rikuspan iñiqmasi chay tratadoq nisqanta wawakunaman willarqan, rikuchirqantaqmi internetpi kaq direccionninchista. Chay wawakunaq maman makilla uyarisqanta qhawarispan iñiqmasiqa huk videota llapankuman qhawachirqan.

Huk hermanan llank’aqmasinman predicaspa willarqan jw.org nisqapi familiakunapaq sumaq yachachikuykuna kasqanta. Hinan chay warmiqa huch’uy wawankunawan jw.org nisqata maskharqanku. Chay qhepamanmi iñiqmasinchisman willarqan wawankuna takinanchis takikunata sapa kutilla takisqankuta.

Chay experienciapi rikusqanchis hina, may allinpunin kanqa jw.org nisqapi videokunawan huk qelqakunawanpas yanapachikuyqa. Chaymi chaykunata celularninchisman otaq huk aparatonchisman horqonanchis. Chaykunan allinta yanapawasun huch’uyyaykukuspa Señorta servinapaq (Hech. 20:19).