¿Imaynatan rimayta qallariwaq tratadokunawan?

Enero 2018 watamantapachan Diospaq kausasunchis qelqaq qallariyninpi lloqsimushan runakunawan rimayta qallarinapaq yanapaykuna. Jinaspapas qelqakunata rakinamantaqa, astawanqa runakunawan rimanapaqmi kallpachawanchis. Chaypaqmi yanapawanchis “runakunawan rimanapaq” nisqa videokuna. Ichaqa, Diosmanta willaspaqa qollasunmanmi runakunaman qelqakunata. Ejemplopaq tratadokunawanmi parlayta qallarisunman, chaypaqmi kaykunata ruwasunman:

1. Tratadoq qallariyninpi tapuyta tapunanchis, jinaspataq chaypi kutichiykunata mayqentapas ajllachinanchis.

2. Chaymantataq iskaykaq paginapi Bibliaq nisqanta leechinanchis. Tiempoyoq kashan chayqa, tratadopi kaq willakuytan t’aqwirinanchis.

3. Tratadotan saqenanchis, kallpachananchistaq payña leeyta tukunanpaq.

4. Ripunanchispaqtaq “tapukuy” nisqapi tapuyta leechinanchis. Jinaspa juj p’unchayña chaymanta rimanapaq ninanchis.

Tapuyta kutichisqanchis qhepatataq, juj tapuytañataq saqenanchis. Chaypaqmi ajllasunman internetpi direccioninchismanta juj tapuyta otaq tratadoq tukuyninpi kaq qelqamanta. Astawan yachayta munaqtintaq saqesunchis Diosmanta jamuq allin willakuykuna nisqa folletota otaq yachachinapaq ajllasqa qelqakunamanta mayqen qelqatapas.