Diosqa yanapaytan munasunki
BIBLIAPIQA Diosmanta jamuq allin consejokunan tarikun. Manaña rimanchu imayna jampichikunamanta chaypas, chaypi kaq consejokunaqa yanapawasunmanmi sinchi llakipi tarikuspa imatachus ruwananchispaq, mana allin piensaykuna umanchisman jamuqtin imatachus ruwasunman chayta yachananchispaq ima.
Chaymantapas Bibliapiqa sut’itan willawanchis Kamaqninchis Jehová Diosqaa allinta entiendewasqanchista, payqa yachanmi imachus piensasqanchista imayna sientekusqanchistapas. Payqa noqanchiswanmi kashan sinchi llakipi tarikuqtinchispas. Chaypaq allinta piensay qatimuq textokunapi, chay textokunaqa allintan yanapasunki.
“Jehová Diosqa sonqo nanasqakunawan kuskan kashan, sinchi llakisqakunatapas llakikuyninmantan libran” (SALMOS 34:18).
“Noqa Diosniyki Jehová Diosqa, paña makiykimantan jap’ishayki. Noqan niyki: Ama manchakuychu, noqan yanapasayki, nispa” (ISAÍAS 41:13).
Ichaqa nishankichá: “¿Imaynatan Jehová Dios yanapawanman llaki onqoyniyta atipanaypaq?”, nispa. Qatimuqpin chaymanta yachasun, jinaspa reparanki Jehová Dios yanapaytapuni munasqasuykita.
a Jehová nisqan Diospa sutinqa (Salmos 83:18).