3 Respetanakuspan kausanaykichis

¿IMAYNATAN CHAYTA RIKUCHIWAQCHIS?

Casarasqakuna respetanakunqaku chayqa, ima phiñachinakuyña kaqtinpas yanapanakushallankun. Diez claves para transformar tu matrimonio libropin nin: “Respetanakuspa kausaq warmi-qhariqa mayninpi mana entiendenakuspaqa sumaqta parlarispan allichanku, uyarinkutaqmi qosanpa otaq esposanpa imachus nisqanta”, nispa.

BIBLIAPIN NISHAN: “Pipas munakuqqa [...] manan paypa allinnillantachu maskhan”, nispa (1 Corintios 13:4, 5).

Miguelmi nin: “Esposaytaqa maytan agradecekuni tukuy imaymana ruwasqanmanta, kallpachakunitaqmi ama imawanpas sonqonta k’irinaypaq”, nispa.

¿IMARAYKUN RESPETANAYKI QOSAYKITA OTAQ ESPOSAYKITA?

Casarasqa warmi-qhari mana respetanakunkuchu chayqa, comunta rimaspan paykunapura k’irinakunku. Familiamanta allinta yachaq runakunan ninku: “Chhaynallapin t’aqanakuyman chayanku”, nispa.

Brayan nin: “Mana allinta piensaspa comunta imatapas rimanki chayqa, esposaykiq sonqontan k’irinki, jinan manaña qanpi confianqachu”, nispa.

¿IMAKUNATAN RUWAWAQ?

KAYKUNATAN TAPUKUNAYKI

Imaynatan kay p’unchaykuna esposaykita otaq qosaykita rimapayaranki, sumaqllatachu icha k’iriq jinachu. Chaymanta kaykunata tapukuy:

• ¿Mana allinkuna ruwasqantachu astawan niranki icha allinkuna ruwasqantachu?

• ¿Imata ruwaspan rikuchiranki esposaykita otaq qosaykita respetasqaykita?

WARMI-QHARI PARLARIYCHIS

• ¿Imayna rimasqanchismi, imakuna ruwasqanchismi yanapawanchis respetanakuspa kausananchispaq?

• ¿Imayna rimasqanchismi, imakuna ruwasqanchismi mana yanapawanchischu respetanakuspa kausananchispaq?

KAYKUNATAN RUWAWAQ

• Juj papelpin sapankaykichis qelqawaqchis imakunata ruwaspas esposayki otaq qosayki respetasqasuykita rikuchisunkiman chayta. Chaymantataq chay papelchata qonakuspa kallpachakuychis chayman jina ruwanaykichispaq.

• Chaymantapas qelqaychis qosayki otaq esposayki imakunapi sumaq runa kasqanmanta, jinaspa niy: “Anchata agradecekuyki chhayna kasqaykimanta”, nispa.

Melani nin: “Qosayta respetasqaytaqa ruwayniywanmi rikuchini, paytaqa maytan valorani tukuy imapi yanapawasqanmanta, kusisqa kanantataqmi munanipas. Respetasqanchistaqa rikuchisunman imachallatapas paykunapaq ruwapuspan, manan jatun regalokunata qospallachu”, nispa.

Qosayki otaq esposaykin sut’itaqa reparanan respetasqaykita.

BIBLIAPIN NISHAN: “P’achakuychis sumaq khuyapayakuq kaywan, sumaq sonqo kaywan, k’umuykukuq kaywan, llamp’u sonqo kaywan, pacienciawan ima”, nispa (Colosenses 3:12).