Lección 14
Imayna organizasqan Jehováq testigonkuna
¿Hayk’aqmi qallariran kay tiempopi Jehováq testigonkuna? (1)
¿Imaynataq Jehováq testigonkunaq huñunakuyninri? (2)
¿Imaynatataq gastokunatari paganku? (3)
¿Pitaq sapanka congregacionpi yachachiqri? (4)
¿Ima hatun huñunakuykunan kan sapa wata? (5)
¿Imatan ruwanku oficina centralpi sucursalkunapipas? (6)
1. Kunan tiempopi Jehováq testigonkunaq llank’ayninqa 1870 watapin qallariran. Estudiantes de la Biblia nispan sutichakuranku, 1931 watapitaqmi Bibliaq nisqanman hina Jehováq testigon sutiwan sutichakuranku. (Isaías 43:10.) Pisillamantan askhaman yapanku, kunanqa 230 nacionpin millonninpi testigokuna predicashanku.
2. Yaqa llapan congregacionkunapin Jehováq testigonkunaqa semanapi kinsa kutita huñukunku. Invitasqan kanki chay reunionkunaman rinaykipaq. (Hebreos 10:24, 25.) Bibliamantan chay reunionkunapiqa yachachinku. Huñunakuyqa oracionwanmi qallarinpas tukunpas, yaqa llapan reunionkunapin tukuy sonqowan takinku “espiritual takikunata”. (Efesios 5:18, 19.) Gratismi haykunku manan qolqetapas mañankuchu. (Mateo 10:8.)
3. Salón del Reinopin yaqa llapan congregacionkunaqa huñukunku. Kikin testigokunan Salón del Reinotaqa ruwanku, Salonkunaqa tiyanapaq wasi hinallan. Chaypiqa manan rikunkichu imagenkunatapas, cruzkunatapas. Gastokunatapas sonqonkuq munasqanman hina qosqankuwanmi pagakun. Qoy munaqkunaqa caja de contribuciones nisqamanmi churankuman. (2 Corintios 9:7.)
4. Sapanka congregacionpin kan ancianokuna, otaq superintendentekuna, paykunan yachachinku. (1 Timoteo 3:1-7; 5:17.) Siervo ministerialkunan paykunata yanapanku. (1 Timoteo 3:8-10, 12, 13.) Manan pipas jefe hinaqa congregacionpi kamachinchu. (2 Corintios 1:24.) Manan ima titulotapas chaskinkuchu. (Mateo 23:8-10.) Manan hukniraytachu p’achakunkupas. Manan yachachisqankumanta sueldota chaskinkuchu. Congregacionpi espiritual necesidadkunatapas ancianokunaqa gustowanmi yanapanku. Problemanku kaqtinpas yanapaspan consolanku. (Santiago 5:14-16; 1 Pedro 5:2, 3.)
5. Sapa watanmi Jehováq testigonkunaqa hatun asambleakunapi huñukunku. Askha congregacionkunan huñunakunku Bibliaq yachachisqan especial programata uyarinankupaq. Chay asambleakunapin mosoq discipulokunapas bautizakunku. (Mateo 3:13-17; 28:19, 20.)
6. Nueva Yorkpin kashan Jehováq testigonkunaq oficina centralninqa. Chaypin kashan Cuerpo Gobernante, paykunaqa ancha experienciayoq ancianokunan, mundontinpi congregacionkuna yanapaq. Mundontinpin kallantaq pachak wasapaq sucursalkuna. Chaypi llank’aq voluntariokunan yanapanku, Bibliata librokunata ruwaypi congregacionkunaman apachiypipas. Sucursalpin organizakun predicanapaqpas. ¿Arreglawaqchu tiempoykita llaqtayki cercapi sucursalta visitanaykipaq?