¿Imakunatan Internet direccionniykupi tarinki?

Jesusmi qatikuqninkunata nirqan: “K’anchayniykichis runakunaq ñawpaqenpi k’anchachun, allin ruwasqaykichista rikuspa, hanaq pachapi kaq Yayaykichista yupaychanankupaq”, nispa (Mateo 5:16). Chaypaqmi Internet nisqawan yanapachikuyku. Jehová Diospa testigonkuna imapi iñisqaykuta, imakuna ruwasqaykutawanmi Internetpi jw.org nisqapi willashan. ¿Imakunatan chaypi tarinki?

Runakunaq tapukusqanta Bibliawan kutichin. Chaypin tarinki ñawpaqmantapacha runakunaq wakin tapukusqankuman kutichisqanta. Ejemplopaq, ¿Tukukunqachu ñak’ariykuna? ¿Kanqachu kawsarimpuy wañupuqkunapaq? nisqa tratadokunan kashan kutichiynintin, chay tratadokunaqa internetpin kashan 600 más simikunapin. Traducción del Nuevo Mundo nisqa Bibliapas 130 más simikunapin kashan. Bibliata estudianapaq qelqakunapas askhan kashan, hukninmi ¿Imatapunin Biblia yachachin? nisqa libro. Kallantaqmi Qhawaq, ¡Rijch’ariy! revistakunapas. Wakinmi kashan leenapaq wakintaq uyarinapaq, hinaspapas horqokunmanmi uyarinapaq. Munaspaqa papelpipas horqowaqmi Bibliamanta yachay munaqman qonaykipaq. Kanmi makillawan rimaqkunapaq videokuna, hinaspapas horqokunmanmi uyarinapaq dramakunata, Bibliamanta leesqa dramakunata, sumaq takikunatapas.

Testigokunamanta sut’illanta willan. Chaypin tarillankitaq Hallp’antinpi predicación aparisqaykumanta, imakuna sucedesqanmanta, imapas kaqtin yanapanakusqaykumanta willaq noticiakunata, videokunatapas. Chaypin willallantaq hatun huñunakuy hayk’aq aparikunanta, sucursalta imayna tapukunamantapas.

Chaykunawanmi yanapachikuyku cheqaq k’anchay llapa llaqtakunapi k’ancharinanpaq, sinchi chiriq kasqan Antártida cheqaskunapi imaraq. Diosmantan mañakuyku Hallp’antinpi paypa “simin mast’arikunanpaq”, hatunchasqa kananpaq ima (2 Tesalonicenses 3:1).

• ¿Imaynatan Internetpi jw.org nisqa runakunata yanapan cheqaq yachayta tarinankupaq?

• ¿Imamantan yachayta munawaq Internetpi kaq direccionniykupi?