Internetpi direccionninchisqa predicaypin yanapawanchis

Internetpi direccionninchismanta willay. Yaqapaschá predicaqtinchis runakuna mana uyariyta munawasunchu nitaq qelqanchiskunatapas munanqakuchu. Ichaqa sapallankupin jw.org nisqapi Testigokunamanta yachayta munankuman. Chaymi allin kanman direccionninchismanta runakunaman willariy.

Tapukusqanta kutichiy. Sichus Bibliamanta yachayta munaq otaq reqsisqayki runa Testigokunamanta tapukunman chayqa, Internetniyoq celularninpin otaq ima aparatonpipas chaymanta yachachiwaq. Ichaqa Bibliawanpuni kutichiymi aswan allinqa. Sichus chay ratopi mana Internetman haykuyta atiwaqchischu chayqa willawaqmi imaynatan jw.org nisqaman haykunman chayta (Maskhay jw.org/es “Enseñanzas bíblicas/Preguntas sobre la Biblia” otaq “Sobre nosotros/Preguntas frecuentes” nisqapi.)

Qelqata apachiy reqsisqayki runaman. Correo electrónico nisqapin PDF otaq EPUB nisqapi qelqakunata apachiwaq. Uyarinapaq qelqakunatapas CD nisqapin horqowaq. Internetpi kaq librokunata, revistakunata, folletokunata hunt’asqata pimanpas apachiwaq chayqa, informeykipin anotawaq. Ichaqa manan askhamanqa apachinaykichu nitaq mana sutiyoqtaqa, manataqmi Internetpi huk direccionkunaman churanaykichu. (Maskhay “Qelqakuna” nisqapi.)

Chayllaraq lloqsimuq noticiata rikuchiy. Chaypin estudiachisqanchis otaq visitasqanchis runakuna yachanqaku predicación pachantinpi aparikusqanta, huk hinalla kawsasqanchistapas (Sal. 133:1). (Maskhay “Noticias” nisqapi.)

[5 paginapi dibujo]

(Imaynapuni kasqanta yachanaykipaq, qelqata qhaway)

Kayta ruway

1 “Qelqakuna” nisqapi huk qelqata akllay, hinaspa imapi horqoyta munasqayki botonchata ñit’iykuy.

2 MP3 nisqapi ñit’iykuqtiykiqa askha temakunan huk listapi lloqsimunqa. Hukninta horqonaykipaq kikin temapi ñit’iykuy, uyarinaykipaqtaq kay botonchata ñit’iykuy ▸ .

3 Huk simipi horqoyta munanki chayqa kay listapi maskhay.