Satanás Jesusta urmachiyta munan

Bautizakusqan qhepamanmi Jesusta santo espíritu ch’inneqman pusarqan. Jesusqa 40 p’unchaytan mana mijurqanchu, jinan sinchita yarqachikurqan. Chaymi Satanasqa Jesusta nirqan: “Diospa churinchus kanki chayqa, kay rumikunata niy t’antaman tukunanpaq”, nispa. Jesusmi ichaqa kutichirqan: “Qelqasqan kashan, runaqa manan t’antallatachu necesitan kausananpaq, Diospa simintawanmi uyarinan”, nispa.

Jinan Satanasqa nillarqantaq: “Diospa churinchus kanki chayqa, templo patamanta saltaykuy. Qelqasqan kashan, Diosmi salvanasuykipaq angelninkunata kachamunqa”, nispa. Jesusmi ichaqa nirqan: “Qelqasqan kashan, aman Jehová Diosta pruebaman churankichu”, nispa.

Chaymantan Satanasqa Jesusman rikuchirqan llapa gobiernokunata qhapaq kaynintawan, jinaspa nirqan: “Juj kutillata adorawanki chayqa, llapa kay gobiernokunata qhapaq kaynintawan qopusayki”, nispa. Jesustaq nirqan: “¡Ripuy Satanás! Qelqasqan kashan, Jehová Diosnillaykitan adoranki”, nispa.

Chaymi Satanasqa ripurqan, jinaspa angelkuna jamuspa Jesusman mijunata qorqanku. Chay qhepamanmi Jesusqa Diospa gobiernonmanta predicayta qallarirqan. Chayta ruwananpaqmi Diosqa kay pachaman kachamurqan. Runakunaqa kusikurqankun Jesuspa yachachisqanwan, chaymi tukuy ladomanta Jesusta uyariq jamurqanku.