Jesús templota limpian

Jesusmi Jerusalenta viajarqan abril killapi kinsa chunka kaq watapi jina. Askha runakunan Pascua Fiestaman jamurqanku. Chay fiestapaqqa animalkunatan temploman apaqku Diosman jaywanankupaq. Wakinqa animalninkutan apaqku, wakintaq Jerusalenpi rantiqku.

Jesús temploman riqtinmi rikurqan runakuna chaypi animalkunata vendeshasqankuta. ¡Diospa wasinpin negociota ruwasharqanku! ¿Imatan Jesús ruwarqan? Waskhamanta jasut’ita ruwakuspan templomanta qarqomurqan ovejakunata wakakunatapas. Vendeqkunaq mesantapas t’ijrarparirqanmi, chaymi qolqeqa pampapi wisñirparikurqan. Jesusmi paloma vendeqkunata nirqan: “¡Kaykunata orqoychis! ¡Papaypa wasinqa manan negociota ruwanapaqchu!”, nispa.

Runakunaqa admirakurqanku Jesuspa ruwasqanwan. Jinan discipulonkunaqa yuyarirqanku Mesiasmanta profeciata. Chay profecian nirqan: “Anchatan Diospa wasinta munakuni”, nispa.

Jesusqa 33 watapipas wajmantan templota limpiarqan. Payqa manan munarqanchu pipas Diospa wasinta sarunchananta.