QALLARIYPI KAQ | ¿IMAYNATAN BIBLIAMANTA YACHACHIYKU?

Llapa munaqman Bibliamanta yachachiyku

Jehová Diospa testigonkunan reqsisqa kayku predicasqaykupi. Ichaqa manan chayllatachu ruwayku, munaqkunamanpas Bibliamantan yachachiyku.

Huk runa llank’ananpi Bibliamanta estudiota chaskishan

2014 watapin 8.000.000 más Jehová Diospa testigokuna yaqa 9.500.000 runakunaman Bibliamanta estudiota qorqayku, 240 nacionkunapi llaqtakunapi ima.a Llapa estudiachisqayku runakunamantaqa 140 nacionkuna hinan aswan pisi runakunayoq kanku.

Chay tukuy runakunaman yachachinaykupaqmi sapa wata ruwayku 1.500 millón qelqakunata. Chaykunaqa kaykunan: Bibliakuna, librokuna, revistakuna, folletokuna ima. Chaytaqa ruwayku 700 rimaykunapi hinan. Chaymi yanapawanku entiendesqanku rimaypi runakunaman Bibliamanta estudiota qonaykupaq.

Sudáfrica nacionmanta Katlego nin: “Estudiayqa manan gustawaqchu, kunanmi ichaqa gustawan. Chay yachasqaymi anchata yanapawarqan”, nispa.

México nacionmanta Berta nin: “Llapa tapukusqaytan kutichiwarqanku, chaymi imaymanata yacharqani”, nispa.

Brasil nacionmanta Eziquiel nin: “Wasiypin estudiarqayku munasqay horapi. ¡Allinmi chayqa karqan!”, nispa.

Australia nacionmanta Viniana nin: “15 otaq 30 minutollapin estudiarqayku, wakin p’unchaykunatataq chhikan masta. Ñoqan chayta decideq kani”, nispa.

Benín nacionmanta Aimé nin: “¡Anchatan kusikurqani gratislla estudiasqaymanta!”, nispa.

Irlanda del Norte nacionmanta Karen nin: “Yachachiqniyqa munakuq pacienciayoq karqan. Hinan amigay kapurqan”, nispa.

Inglaterra nacionmanta Denton nin: “Askha runakunan Bibliata estudianku, ichaqa manan bautizakunkuchu”, nispa.

ESTUDIOTA QOSQAYKUMANTA RUNAKUNAQ TAPUKUSQANKU

¿Imaynatan estudiota qonkichis?

Bibliaqa imaymana temakunamantan riman. Ejemplopaq, Biblian riman Diosmanta, sutinmanta, maypi tiyasqanmanta, imaynata paypa amigon kasunman chaymantapas. Estudiaqkunatan yachachiyku Bibliapi ima textokunapi rimashan chay temamanta huk temakunamantapas chayta.

Chaypaqmi yanapachikuyku huk qelqakunawan, hukninmi ¿Imatapunin Biblia yachachin?b libro. Chay libroqa importante temakunamantan willashan, chaymi yanapawanku imatapunichus Bibliaq yachachisqanta rikuchinaykupaq. Chay libron riman Diosmanta, Jesucristomanta, imarayku sufrisqanchismanta, oracionmanta, huk temakunamantapas.

¿Maypin hayk’aqmi estudiota chaskiyman?

Qanmi chaytaqa decidinki.

¿Hayk’a tiempota estudiota chaskiyman?

Chaytapas qanmi decidiwaq tiempoyki kasqanman hina. Askha runakunan decidinku huk horata hina sapa semana estudiayta, hukkunataq 10 minutota otaq 15 minutota hina estudianku.

¿Hayk’atan paganay?

Manan imatapas paganaykichu. Estudiota chaskisqaykipas qelqakuna chaskisqaykipas gratisllan. Jesusmi qatikuqninkunata nirqan: “Grastillan chaskirqankichis gratisllataqmi qonkichispas”, nispa (Mateo 10:8).

¿Hayk’a tiempopitaq estudiayta tukuyman?

Unay tiempopipas tukuwaqmi. ¿Imatapunin Biblia yachachin? libroqa 19 capitulokunayoqmi. Chaytaqa entiendesqaykiman hinallan pisi-pisimanta estudiawaq.

¿Estudiota chaskispay bautizakunaypunichu?

Manan. Ñoqaykuqa respetaykun runakuna imapichus creesqankuta. Ichaqa Bibliaq yachachisqanta entiendespaqa allintan decidinki.

¿Maypin astawan qankunamanta yachayman?

Internetpi jw.org nisqa direccionniykupin astawan yachanki ruwasqaykumanta imakunapichus creesqaykumantapas.

¿Imatan ruwayman estudiota qowanaykichispaq?

Internetpi jw.org paginaykupin estudiota mañakunaykipaq formulariota hunt’awaq.
Kay revistapi iskay paginapi direccionniykuman qelqamuwankikuman.
Otaq nacionniykipi tarikuq sucursalniykuman waqyawaq.

a Mayninpiqa grupopi huñuspan yachachiyku.

b Chay libroqa 224 paginakunayoqmi, 230 millón mastañan ruwakurqan 260 rimaykunapi, chaytaqa Jehová Diospa testigonkunan ruwan.

FAMILIAKUNATA YANAPAN

Eziquiel nin: “Esposayqa Bibliata estudiasqanmantapachan allin warmiman tukupurqan. Chaymi ñoqapas estudiayta qallarirqani. Yachasqayqa yanapawarqanmi allin runa kanaypaq, chaymantapachan familiaykupi sumaqta kawsakuyku”, nispa.

Karen nin: “Biblia estudiasqaymantapachan manaña drogakunichu, machanichu, genioyta controlayta yachapuni, wasiyta sumaq limpiota hap’ini, familiaytapas astawanmi munakuni, imaymanatataq paykunapaq ruwapuni. Kunanqa aswan kusisqan kawsakuni”, nispa.

Viniana nin: “Biblia estudiasqaymantan hukkuna ñoqawan phiñakurqanku. Esposoymi ichaqa niwarqan: ‘Ama kasuychu paykunaq rimasqantaqa, ñoqaqa kusikunin estudiasqaykimanta, chaymi kunanqa allin kashanki’, nispa. Familiayqa aswan kusisqan kashan Bibliata estudiasqaymantapacha”, nispa.