BIBLIAMANTA TAPUKUYKUNA
¿Tukukunqachu hayk’aqllapas wakcha kay?
¿Imatan Dios ruwanqa wakcha kay chinkapunanpaq? (Mateo 6:9, 10)
Sapa watanmi waranqa-waranqanpi runakuna wañunku, sinchi wakcha kayninkupi mana allinta alimentakusqankurayku otaq onqopusqankurayku. Wakin nacionkunapi runakunaqa qhapaqmi kanku, ichaqa waranqanpi runakunan mana imayoq kanku. Bibliaq nisqan hina, chayqa ñawpa tiempokunapiraqmi rikukurqan (leey Juan 12:8).
¿Iman necesitakun wakcha kay tukupunanpaq? Pachantinta kamachiq allin gobiernon. Payqa llapa runakunamanmi imatapas igualta qonman, guerrakunatapas chinkachinmanmi, chhaynapin wakcha kayqa chinkapunman. Chay hina gobiernotan Dios prometewanchis (leey Daniel 2:44).
¿Pin wakcha kayta chinkachinqa?
Diosmi churin Jesucristota akllan pachantinta kamachinanpaq (Salmo 2:4-8). Jesusmi wakchakunata yanapanqa, runamasinta ñak’arichiq millay runakunatapas chinkachinqa (leey Salmo 72:8, 12-14).
Jesucriston thak kayta sumaq kawsaytapas apamunqa. Chaypiqa llapa runakunapaqmi kanqa wasi, llank’ana, imaymana mikhuykunapas (leey Isaías 9:6, 7; 65:21-23).