Beneficiakusun Acerquémonos a Jehová nisqa librota estudiaspa
1 ¡Anchatan kusikuranchis “Reinomanta celowan predicaqkuna” nisqa Distrito Asambleapi Acerquémonos a Jehová librota chaskispanchis! Askhan leeranku chaskispanku hina. Wakinqa kallpachakuranku chay libro leenankupaq 2003 watapaq textota leespan, kaymi texto karan: “Diosman achhuykuychis, paytaq qankunaman achhuykamusunkichis” (Sant. 4:8)
2 Marzopin kay libro estudiayta qallarisun Estudio de Libro de Congregacionpi. ¿Imaynatan kay librota estudiaspa allinta beneficiakuswan? Allintan preparakuna. Sapanka capitulotan iskay semanapi estudiakunqa, sapa estudiopaqtaq pisi parrafollata programakunqa. Chaymi tiempo kanqa yuyaymanaspa estudiasqanchista, sonqomanta comentananchispaq. Sapanka capitulota tukunapaq semanapin pisi parrafokunallata estudiasun, chaymi tiempo kanqa capitulopi recuadrota allinta analizanapaq.
3 Iskay capitulomantapachan, rikhurin sapanka capítulo tukuypi “yuyaymananapaq tapuykuna” nisqa recuadro. Capitulopi qhepa parrafota tukuspan, estudio de libropi superintendente, grupowan analizanqa. Chaypi kaqkunatan kallpachanqa Bibliapi textokuna leesqankupi yuyaymanasqankuta comentanakupaq (Pro. 20:5). Libropi tapuykunata tapusqan qhepamanmi, mayninpiqa tapunman kaykunata: “¿Imanisunkin Jehová Diosmanta kay yachasqayki? ¿Imaynatan kawsayniykipi yanapasunki? ¿Imaynatan runamasiykita yanapawaq kay yachasqaykiwan?”. Superintendenteqa yanapananmi chaypi kaqkunata sonqonkumanta rimanankupaq, manan yachasqankuta probananpaq hinachu tapunqa.
4 Acerquémonos a Jehová libroqa hukniraymi. “Esclavo fiel y discretoq” qosqan librokunaqa llapanpas Jehová Diostan hatunchan, kay libroqa manan chayllatachu ruwan examinanmi Diospa sumaq kayninkunata (Mat. 24:45-47). ¡Sumaq oportunidadmi suyawanchis! Anchatan beneficiawasun Jehovaq sumaq kayninkunamanta allinta estudiasqanchisqa. Kay libro estudiaymi yanapawasun cielopi Yayanchisman astawan achhuykunapaq, hukkunatapas aswan allintan yanapasun Diosman achhuykunankupaq.