“Jehovata munakuychis, paypaq leal kaqkuna”
Jesuspa wañusqantan yuyarisun 4 de abrilta
1 Ñawpa watakunapi, comunista gobiernoq makinpi Ucrania kashaqtinmi, autoridadkunaqa Testigokunata vigilasharanku, aswantaqa Señorpa Cenan achhuykamusqanta yachaspa. Paykunaqa yacharankun Conmemoracionta ima tiempopi ruwanankuta chaymi sasa problema karan hermanonchiskunapaq ¿Imatan ruwankuman hermanokuna? Huk hermanaq wasinpa sotanonmi unuwan hunt’a kasharan. Autoridadkunaqa manan piensankumanpaschu chaypi huñunakunankupaq, chaymi wayqepanakunaqa unu patapi plataformata ruwasqaku. Techowan mana chocanankupaq chakinku patapi tiyaranku chaypas, mana piqpa fastidiasqanmi Jesuspa wañusqanta kusisqa yuyarisqaku.
2 Jesuspa wañusqanta yuyarinapaq kamachisqata kasukunankupaq, Ucraniapi wayqepananchiskunaq decidikusqanmi rikuchin Diosta munakusqankuta (Luc. 22:19; 1 Juan 5:3). Problemakuna kaqtinqa kay ejemplokunata qhawarispa kallpachakusun 4 de abrilta Señorpa Cenanman rinanchispaq. Kayta ruwaspan, ñoqanchispas salmista hina kasun, paymi takiran: “Jehovata munakuychis, paypaq leal kaqkuna” (Sal. 31:23).
3 Hukkunata yanapasun Diosta astawan munakunankupaq. Diosta munakuspan huk runakunatapas invitasun Conmemoracionman hamunankupaq. Febreropi Reinopaq Servicionchispi suplementon kallpachawaranchis Conmemoracionman invitay munasqanchiskunaq sutinta listapi anotananchispaq. ¿Invitashanchisñachu listanchispi kaqkunata? Allintan explicananchis kay huñunakuypa significasqanmanta. Hamunkumanpaschá ima p’unchayta, ima hora kananta sumaqta yuyarichiqtinchisqa, otaq pusananchispaq ofrecekuqtinchispas.
4 Invitasqanchiskuna hamuqtinqa llapantan sumaqta chaskinanchis. ¿Imaynatan yanapaswan Jehovata astawan munakunankupaq? Imapas tapukusqankuta kutichinapaqmi ofrecekunanchis. Atikuqtinqa kallpachanan Bibliata estudiananpaq. Invitanan congregacionpi sapa semana huñunakuykunaman hamunankupaq. Ancianokunan interesakunanku inactivo hermanonchiskuna hamuqtinqa. Wasinkuta visitaspan kallpachananku reunionkunaman hamunankupaq, predicaq lloqsinankupaqpas, Conmemoracionpi uyarisqankumanta astawan willarispa (Rom. 5:6-8).
5 Jehovata astawan munakusun. Rescatepaq regalo qosqanpi allinta piensaspan munakuyninchista astawan yapachisun Jehovapaqpas Churinpaqpas (2 Cor. 5:14, 15). Unay wataña Conmemoracionman riq Testigon kayta nin: “Kusikuywanmi suyakuni Conmemoracionpa chayamunanta. Sapa wata pasaqtinmi ñoqapaqqa aswan importante. Yaqa iskay chunka wata ñawpaqta hinan papaypa wañusqanta rikuspa, rescatetaqa aswanta estimarani. Chaykamaqa aceptaranin rescatemanta yachachisqata. Yacharanin imayna explicaytapas, chaymanta rimaq textokunatapas. Papaypa wañusqanta rikuspañan cuentata qokuni rescateq imapaq kasqanmantaqa, chayraqmi sonqoypas kusikuymanta saltaran” (Juan 5:28, 29).
6 Kay watapas Conmemoración cercataqa sonqonchista preparasun chay ocacionpaq hina (2 Cró. 19:3). Allinta piensasun Conmemoracionpaq leena textokunata leespa, chay textokunatan tarisun 2004 watapaq Examinando las Escrituras folletopi, Calendariopipas. Wakinqa familiapin repasayta munanku El hombre más grande librota 112 capitulomanta 116 capitulokama. Wakintaq astawan yachayta munaspa utilizanku esclavo fiel discretoq qosqan publicacionkunata (Mat. 24:45-47). Rescate qowasqanchismantan tukuy sonqowan oracionta ruwasunman (Sal. 50:14, 23). Arí, Conmemoración tiempopiqa sapa kutillan yuyaymanasun Jehová Diospa munakuwasqanchispi, rikuchisuntaq payta munakusqanchistapas (Mar. 12:30; 1 Juan 4:10).